All Burma Federation Of Student Unions (ABFSU)

  ဗကသများအဖွဲ့ချုပ် ရဲဘော်ဟောင်း မအမရာမောင် ကျဆုံးခြင်းအတွက် ဝမ်းနည်းကြောင်း သဝဏ်လွှာ သဝဏ်လွှာအမှတ် - ၈/ဗကသ/၂၀၂၆ ရက်စွဲ - ၂၀၂၆ ခုနှစ်၊ ဇူလိုင်လ ၃၀ ရက် ဗကသများအဖွဲ့ချုပ် ရဲဘော်ဟောင်း မအမရာမောင် (ခ) စွန်ရဲမေ သည် (၂၈.၀၇.၂၀၂၆) အင်္ဂါနေ့ ည၁ ၁၀ နာရီဝန်းကျင်အချိန်မှာ ကျဆုံးခဲ့ကြောင်း သိရှိရသည့်အတွက် ဗကသများအဖွဲ့ချုပ်အနေဖြင့် လွန်စွာဝမ်းနည်းရပါသည်။ ရဲဘော် အမရာမောင်သည် တောင်တွင်းကြီးမြို့နယ်ကျောင်းသားများသမဂ္ဂ (ဗကသများအဖွဲ့ချုပ်) မှာ ၂၀၁၅ ခုနှစ်ကနေ ၂၀၁၇ ခုနှစ်အထိ ဥက္ကဌတာဝန် ထမ်းဆောင်ခဲ့ပြီး ၂၀၁၅ ဒီမိုကရေစီပညာရေးသပိတ်မှာလည်း တိုက်ပွဲဝင်လှုပ်ရှားခဲ့သည်။ ၂၀၂၁ ခုနှစ် စစ်အာဏာသိမ်းပြီးနောက်မှာလည်း စစ်အာဏာရှင်စနစ်ဆန့်ကျင်ရေးလမ်းကြောင်းပေါ် မားမားမတ်မတ် လျှောက်လှမ်းရင်း နိုင်ငံရေးအကျဉ်းသူအဖြစ်လည်း ဖြတ်သန်းခဲ့ရသည်။ အကျဉ်းထောင်မှ လွတ်မြောက်လာပြီးနောက်မှာလည်း စစ်အာဏာရှင်စနစ်ဆန့်ကျင်ရေးတိုက်ပွဲများတွင် ဆက်လက်ပါဝင်ခဲ့ပြီး  ဖိနှိပ်ခံပြည်သူလူထုအကျိုးကို သယ်ပိုးဆောင်ရွက်ခဲ့သူ ဖြစ်သည်။  မအမရာမောင်၏ စစ်အာဏာရှင်စနစ်ဆန့်ကျင်ရေးစိတ်ဓာတ်နှင့် စွန့်လွှတ်ပေးဆပ်မှုများကို ကျွန်ုပ်တို့ ဗကသများအဖွဲ့ချုပ်က အ...

OPEN LETTER TO THE NARENDRA MODI AND GOVERNMENT OF INDIA

 _______________________ End the Violence and Intimidation Against Students and Youth Exercising Their Democratic Rights We, student movements from Malaysia, Thailand, the Philippines, Indonesia and Burma, write to express our solidarity with the students and young people of India who have taken to the streets to defend their education, dignity and future. We are deeply concerned by reports of violence, intimidation, arrests and excessive force against students and peaceful demonstrators. Batons, tear gas, threats and detention are not legitimate answers to the grievances of a generation. The students are not enemies of the state. They are citizens demanding accountability from the institutions entrusted with their education and future. It is a fundamental democratic right. A government cannot claim to uphold democracy while treating peaceful civic participation as a threat to public order. Across Asia, student movements hav...

အိန္ဒိယ ဝန်ကြီးချုပ် နရိန္ဒရာ မိုဒီနှင့် အိန္ဒိယနိုင်ငံ အစိုးရသို့ အိတ်ဖွင့်ပေးစာ __________________________________ ဒီမိုကရေစီအခွင့်အရေးများကို ကျင့်သုံးနေသော ကျောင်းသားလူငယ်များအပေါ် ခြိမ်းခြောက်အကြမ်းဖက်ခြင်းများ ချက်ချင်းရပ် မလေးရှား၊ ထိုင်း၊ ဖိလစ်ပိုင်၊ အင်ဒိုနီးရှားနဲ့ ဗမာပြည် ကျောင်းသားလှုပ်ရှားမှုတွေအနေနဲ့ ပညာရေး၊ ဂုဏ်သိက္ခာနဲ့ အနာဂါတ်တွေကို ကာကွယ်ဖို့အတွက် လမ်းပေါ်ထွက်လာတဲ့ အိန္ဒိယကျောင်းသားလူငယ်တွေနဲ့ တသားတည်း ရပ်တည်တယ်။ ငြိမ်းချမ်းစွာဆန္ဒပြသူတွေ၊ ကျောင်းသားတွေအပေါ် အကြမ်းဖက်မှု၊ ခြိမ်းခြောက်မှု၊ ဖမ်းဆီးမှုနဲ့ တရားလက်လွန် အင်အားသုံးနှိမ်နင်းမှုတွေ ပြုလုပ်နေတဲ့အခြေအနေနဲ့ ပတ်သက်ပြီး အလွန်အမင်း စိတ်ပူမိပါတယ်။ နံပါတ်တုတ်တွေ၊ မျက်ရည်ယိုဗုံးတွေ၊ ခြိမ်းခြောက်မှုတွေနဲ့ ဖမ်းဆီးချုပ်နှောင်မှုတွေဟာ မျိုးဆက်သစ်တွေရဲ့မကျေနပ်မှုတွေကို ဖြေရှင်းနည်းအစစ်မဟုတ်ဘူး။ ကျောင်းသားတွေဟာ နိုင်ငံတော်ရဲ့ ရန်သူမဟုတ်ဘူး။ သူတို့ဟာ သူတို့ရဲ့ ပညာရေးနဲ့ အနာဂါတ်တွေအတွက် တာဝန်ရှိတဲ့အင်စတီကျူးရှင်းဆီကနေ တာဝန်ခံမှုတောင်းဆိုနေတဲ့ ပြည်သူတွေဖြစ်တယ်။ ဒါဟာ အခြေခံအကျဆုံး ဒီမိုကရေစီအခွင့်အရေးတခုပဲဖြစ်တယ်။ ပြည်သူလူထု...

အရာတော်မြို့နယ်အတွင်း ဗကသ က လေကြောင်း အသိပညာပေးဟောပြောပွဲနဲ့ သရုပ်ပြပွဲတွေ ပြုလုပ် ဧပြီလ ၄ရက်၊ ၂၀၂၆ အရာတော်မြို့နယ်အတွင်း ဗကသများအဖွဲ့ချုပ် အဖွဲ့ဝင်သမဂ္ဂအချို့နဲ့ ဒေသတွင်းအင်အားစုတရပ်တို့ ပူးပေါင်းပြီး လေကြောင်း၊ မိုင်းနဲ့ လက်နက်ကြီးအန္တရာယ်ကာကွယ်ရေး အသိပညာ‌ပေးဟောပြောပွဲနဲ့ သရုပ်ပြခြင်းတွေ ပြုလုပ်ခဲ့ကြပါတယ်။ အဆိုပါဖြန့်ဝေမှုကိုတော့ အရာတော်မြို့နယ်ကျောင်းသားများသမဂ္ဂ၊ ပြည်သူ့အခြေပြုကျောင်းသားများသမဂ္ဂတို့က လုပ်ဆောင်ခဲ့ကြတာ ဖြစ်ပါတယ်။ အရာတော်မြို့နယ်အတွင်းက ကျောင်းသားထုနဲ့ ပြည်သူလူထုအား လေကြောင်း၊ မိုင်းနဲ့ လက်နက်ကြီးအန္တရယ်အကြောင်း အသိပညာပေးဗွီဒီယိုများ ပြသခဲ့ပြီး ကာကွယ်ရေးနည်းလမ်းတွေကိုလည်း ဆွေးနွေးတင်ပြ၊သရုပ်ပြခဲ့ကြပါတယ်။ တပါတည်းမှာလည်း ဗုံခိုကျင်းတည်ဆောက်ပုံ၊ လေကြောင်းအန္တရယ်အသိပညာပေး ပန်းဖလက်အစောင်ရေ ၂၀၀ ကို ဖြန့်ဝေခဲ့ပါတယ် ။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #အရာတော်မြို့နယ်ကျောင်းသားများသမဂ္ဂ #ဗကသများအဖွဲ့ချုပ် #ABFSU #AYD

ဗကသများအဖွဲ့ချုပ်က ကျေးရွာ ၈ရွာမှာ အာဏာသိမ်း ၅နှစ်ပြည့်အထိမ်းအမှတ် လက်ကမ်းစာစောင် ဖြန့်ဝေ ဖေဖော်ဝါရီလ ၁ရက်၊ ၂၀၂၆ ဗကသများအဖွဲ့ချုပ်က ကနီ၊ ဘုတလင်နဲ့ ယင်းမာပင်မြို့နယ်တွေက ကျေးရွာ ၈ရွာကို အာဏာသိမ်း ၅နှစ်ပြည့် လက်ကမ်းစာစောင်တွေ ဖြန့်ဝေခဲ့ပါတယ်။ ဗကသများအဖွဲ့ချုပ် အဖွဲ့ဝင်သမဂ္ဂတွေ ဖြစ်ကြတဲ့ ကနီမြို့နယ်ကျောင်းသားများသမဂ္ဂ၊ ဘုတလင်မြို့နယ်ကျောင်းသားများသမဂ္ဂ၊ ယင်းမာပင်မြို့နယ်ကျောင်းသားများသမဂ္ဂနဲ့ ပုလဲမြို့နယ်ကျောင်းသားများသမဂ္ဂတို့ ပူးပေါင်းပြီး ဇန်နဝါရီလ ၃၁ရက်နဲ့ ဖေဖော်ဝါရီလ ၁ရက်တို့မှာ လက်ကမ်းစာစောင်တွေ ဖြန့်ဝေခဲ့ပါတယ်။ “တပ်ပေါင်းစု၍ အတူရပ်၊ စစ်သုံးစစ်ကို အမြစ်ဖြတ်”ခေါင်းစဉ်နဲ့ စစ်အာဏာသိမ်းမှု ၅နှစ်ပြည့်အတွက် စစ်အာဏာရှင် ဆန့်ကျင်တော်လှန်ရေး အင်အားစုများ၏ ထုတ်ပြန်ကြေညာချက်ပါ လက်ကမ်းစာစောင်တွေကို မြို့နယ် ၃ မြို့နယ်ရှိ ကျေးရွာ ၈ရွာက စာသင်ကျောင်းတွေနဲ့  ပြည်သူတွေထံ လိုက်လံဖြန့်ဝေခဲ့တာ ဖြစ်ပါတယ်။ ဗကသများအဖွဲ့ချုပ်က ကျေးရွာ ၈ရွာမှာ အာဏာသိမ်း ၅နှစ်ပြည့်အထိမ်းအမှတ် လက်ကမ်းစာစောင် ဖြန့်ဝေ ဖေဖော်ဝါရီလ ၁ရက်၊ ၂၀၂၆ ဗကသများအဖွဲ့ချုပ်က ကနီ၊ ဘုတလင်နဲ့ ယင်းမာပင်မြို့နယ်တွေက ကျေးရွာ ၈ရွာကို ...

စစ်အာဏာသိမ်း (၅) နှစ်ပြည့် စစ်အာဏာရှင်စနစ်ဆန့်ကျင်တော်လှန်ရေးအင်အားစုများ၏ ထုတ်ပြန်ကြေညာချက် ၂၀၂၆ ခုနှစ်၊ ဖေဖော်ဝါရီလ ၁ ရက် တော်လှန်ရေးအင်အားစုရဲဘော်များနှင့် လူမျိုးပေါင်းစုံပြည်သူလူထုအပေါင်းတို့…. ယနေ့ဆိုလျှင် မင်းအောင်လှိုင် စစ်အုပ်စုမှ ပြည်သူလူထု၏ အချုပ်အခြာအာဏာအား အတင်းအဓမ္မ သိမ်းပိုက်ခဲ့သည်မှာ (၅) နှစ်ပင်ပြည့်ခဲ့ပြီ ဖြစ်သည်။ ၂၀၂၁ ခုနှစ် စစ်အာဏာသိမ်းချိန်မှစ၍လည်း ပြည်သူလူထုအနေဖြင့် စစ်အာဏာရှင်စနစ်အား တခဲနက် အုံကြွဆန့်ကျင်ခဲ့ကြသည်မှာ လက်နက်ကိုင် တော်လှန်ရေး အသွင်ထိပါ ကူးပြောင်း တိုက်ပွဲဝင်လာနိုင်သည်အထိ တော်လှန်ရေးရဲ့ အရှိန်အဟုန်မှာ မီးဟုန်းဟုန်းတောက်ခဲ့ပါပြီ။ တဖက်မှာလည်း စစ်အုပ်စုက လူထုတော်လှန်ရေးကြီးအား ရက်ရက် စက်စက် ဖြိုခွင်းချေမှုန်းခဲ့သလို နည်းလမ်းပေါင်းစုံဖြင့် အရပ်သား ပြည်သူများအား ပစ်မှတ်ထား၍ နေ့စဉ်ရက်ဆက် တိုက်ခိုက်လျက် ရှိပါသည်။ သို့ရာတွင် လူထု၏ ဒေါသမီးတောက်ကိုသာ ကြုံတွေ့နေရသည့် စစ်အုပ်စုသည် နိုင်ငံရေး ထွက်ပေါက်ရရန် အတုအယောင် ရွေးကောက်ပွဲတရပ်အား ကျင်းပ၍ လူထုနှင့် ပြည်တွင်းပြည်ပ အင်အားစုများအား မျက်လှည့်ပြ လှည့်စားရန် ကြံရွယ်နေပါသည်။ ထ...

ကနီမြို့နယ်ကျောင်းသားများသမဂ္ဂက ဦးဆောင်ပြီး ကျပန်းစကားပြောပြိုင်ပွဲ ကျင်းပ ဇန်နဝါရီလ ၁၄ ရက်၊ ၂၀၂၆ ‎ကနီမြို့နယ်ကျောင်းသားများသမဂ္ဂ (ဗကသများအဖွဲ့ချုပ်) က ဦးဆောင်ပြီး ပြည်သူ့အခြေပြုစာသင်ကျောင်းတာဝန်ခံတွေနဲ့ ပူးပေါင်းကာ ဇန်နဝါရီလ ၁၂ ရက်နေ့မှာ ကျပန်းစကားပြောပြိုင်ပွဲ ကျင်းပခဲ့ပါတယ်။ ပြိုင်ပွဲကိုတော့ ကျောင်းသားကျောင်းသူတွေရဲ့ စကားပြောစွမ်းရည်တိုးတက်စေဖို့ ရည်ရွယ်ချက်နဲ့ ကျင်းပခဲ့ပြီး ပြိုင်ပွဲဝင် ၂၆ ယောက် ပါဝင်ယှဥ်ပြိုင်ခဲ့ပါတယ်။  ‎ပြိုင်ပွဲအခမ်းအနားမှာ သမဂ္ဂအလံတော်ကို အလေးပြုတာ၊ ကျောင်းသားသမဂ္ဂရဲဘော်တွေကနေ အမှာစကား ပြောကြားတာ၊ သက်ဆိုင်ရာ ကျောင်းတာဝန်ရှိသူတွေက ၀မ်းမြောက်ကြောင်း စကားပြောကြား၊ အကဲဖြတ်ဒိုင်လူကြီးတွေက ဆုရွေးချယ်တာ၊ ဆုချီးမြှင့်တာ စတဲ့အခမ်းအနားအဆင့်ဆင့်နဲ့ အောင်မြင်စွာ ကျင်းပနိုင်ခဲ့ပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ်

ဗကသများအဖွဲ့ချုပ်မှ တနင်္သာရီမြို့နယ်အတွင်း စစ်ကော်မရှင်၏ အတုအယောင်ရွေးကောက်ပွဲဆန့်ကျင်ရေး စာစောင်များ ဖြန့်ဝေ ဇန်နဝါရီလ ၁ ရက်၊ ၂၀၂၆ တနင်္သာရီမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)ကနေ တနင်္သာရီမြို့နယ်အတွင်းက တော်လှန်ရေးအင်အားစုထိန်းချုပ်နယ်မြေတွေမှာ စစ်ကော်မရှင်ရဲ့ အတုအယောင်ရွေးကောက်ပွဲ ဆန့်ကျင်ရေး စာစောင်တွေကို လူထုထံ လိုက်လံဖြန့်ဝေခဲ့ပါတယ်။ #ABFSU #TTSU #အတုအ‌ယောင်ရွေးကောက်ပွဲဆန့်ကျင်ရေး #တနင်္သာရီမြို့နယ်

အရာတော်မြို့နယ် ကျောင်းသားများသမဂ္ဂအောက်ရှိ ပြည်သူ့အခြေပြုကျောင်းသားသမဂ္ဂတရပ်က ဦးဆောင်ပြီး သုံးရက်တာ အားကစားပြိုင်ပွဲတခု ပြုလုပ် ဒီဇင်ဘာ ၂၆ ရက်၊ ၂၀၂၅ အရာတော်မြို့နယ် ကျောင်းသားများသမဂ္ဂ (ဗကသများအဖွဲ့ချုပ်)အောက်ရှိ ပြည်သူ့အခြေပြုကျောင်းသားသမဂ္ဂတရပ်က ဦးဆောင်ပြီး ကျောင်းတွင်း ဒီဇင်ဘာအားကစားပြိုင်ပွဲ ပြုလုပ်ပေးခဲ့ပါတယ်။ ပြိုင်ပွဲကိုတော့ ဒီဇင်ဘာလ ၂၃ ရက်နေ့ကနေ ၂၅ ရက်နေ့အထိ ကျင်းပခဲ့ပြီး နောက်ဆုံးနေ့မှာ ဆုပေးပွဲအခမ်းအနား ပြုလုပ်ခဲ့ပါတယ်။ တဆက်တည်းမှာပဲ အခမ်းအနားကို တက်ရောက်လာကြတဲ့ ကျောင်းသားထုနဲ့ ပြည်သူလူထုကို ကြက်သားဆန်ပြုတ်နဲ့ ဧည့်ခံကျွေးမွေးခဲ့ကြပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #အားကစားပြိုင်ပွဲ #studentsunion

ဖိနှိပ်မှုတွေကို အိုးဝေကတဆင့် ဖော်ထုတ်လိုက်ပါ ____________________________________________ ဗမာပြည်တဝှမ်းက ကျောင်းသား၊ကျောင်းသူ ညီအကို၊ မောင်နှမ အပေါင်းတို့… ဒီနေ့အချိန်ဟာ စစ်အုပ်စုရဲ့ အတုအယောင်ရွေးကောက်ပွဲကျင်းဖို့ နီးကပ်နေတဲ့ ကာလဖြစ်ပါတယ်။ စစ်အုပ်စုဟာဆိုရင် သူရဲ့ မတရားစစ်အာဏာကို တရားဝင်မှုပြုဖို့ရာအတွက် အတုအယောင်ရွေးကောက်ပွဲကို အတင်းကာရော ကျင်းပဖို့ စိုင်းပြင်းပြင်ဆင်နေပါတယ်။ ရွေးကောက်ပွဲအောင်မြင်ရေးအတွက်လည်း မသမာတဲ့ နည်းလမ်းပေါင်းစုံသုံးပြီး ကြိုးပမ်းနေပါတယ်။ ဒီလိုနည်းလမ်းတွေထဲက နည်းလမ်းတခုကတော့ စစ်အုပ်စု ထိန်းချုပ်နယ်မြေတွေမှာ၊ သူတို့လက်လှမ်းမှီရာဒေသတွေမှ ကျောင်းတက်နေတဲ့ ကျောင်းသားတွေကို ရွေးကောက်ပွဲမှာ အတင်းအကြပ်မဲပေးဖို့ ဖိအားပေးတာပဲဖြစ်ပါတယ်။ ဗမာပြည်တလွှားက ကျောင်းသားရဲဘော်တွေအနေနဲ့ စစ်အုပ်စုရဲ့ ရွေးကောက်ပွဲဆိုင်ရာ အတင်းအကြပ်ဖိအားပေးမှုမျိုး၊ အကြပ်ကိုင်မှုမျိုးကို ကိုယ်တိုင်ဖြစ်စေ အသိမိတ်ဆွေတွေထဲကဖြစ်စေ ကြုံတွေ့နေရတာမျိုးရှိတဲ့အခါ အိုးဝေကနေတဆင့် မိမိတို့ရဲ့ အသံကို ထုတ်ဖော်ပြောကြားဖို့ ဖိတ်ခေါ်ချင်ပါတယ်။  အခုလို ကြုံတွေ့နေရတဲ့ မတရားဖိနှိပ်မှုတွေကို သတင်းပေးပို့မယ်ဆ...

တနင်္သာရီမြို့နယ်သမဂ္ဂမှ ၁၈ နှစ်မြောက် ရွှေဝါရောင်တော်လှန်ရေးနေ့ အထိမ်းအမှတ်အဖြစ် သပိတ်လှုပ်ရှားမှုပြုလုပ် စက်တင်ဘာ ၁၈၊ ၂၀၂၅ တနင်္သာရီမြို့နယ် ကျောင်းသားများသမဂ္ဂမှ တနင်္သာရီမြို့နယ် တော်လှန်ရေးဒေသတနေရာမှာ ၁၈ နှစ်မြောက် ရွှေဝါရောင်တော်လှန်ရေးနေ့ အထိမ်းအမှတ်အဖြစ် သပိတ်လှုပ်ရှားမှု ပြုလုပ်ခဲ့ပါတယ်။ အဆိုပါ လှုပ်ရှားမှုမှာ စစ်ကောင်စီရဲ့ အတုအ‌‌ယောင် ရွှေးကောက်ပွဲကို ဆန့်ကျင်တိုက်ဖျက်ကြဖို့နဲ့ အာဏာရှင်မှန်သမျှကို တော်လှန်တိုက်ဖျက်ကြဖို့ တိုက်တွန်းနှိုးဆော်ရင်းနဲ့ နိုင်ငံရေးအသိပညာတွေကိုလည်း အသိပညာပေး ဟောပြောခဲ့ပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #ရွှေဝါရောင်တော်လှန်ရေး #သပိတ်လှုပ်ရှားမှု #တနင်္သာရီ

စစ်အုပ်စုက ကျင်းပမည့် အတုအယောင် ရွေးကောက်ပွဲအပေါ် သဘောထားထုတ်ပြန်ချက် ဩဂုတ်လ ၆ ရက်၊ ၂၀၂၅ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် ဗမာနိုင်ငံလုံးဆိုင်ရာတောင်သူလယ်သမားသမဂ္ဂများအဖွဲ့ချုပ် ဗမာနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ် ဗမာနိုင်ငံလုံးဆိုင်ရာအမျိုးသမီးများသမဂ္ဂ စီဒီအမ်ပညာရေးဝန်ထမ်းများသမဂ္ဂ

တနင်္သာရီမြု့နယ်‌ကျောင်းသားများသမဂ္ဂက ပြည်သူ့အခြေပြုကျောင်းမှာ လေကြောင်းအန္တရာယ်ကာကွယ်နည်း အသိပညာပေးပြီး တော်လှန်ရေး ရုပ်ရှင်ပြသ ဇူလိုင်လ ၁ရက်၊ ၂၀၂၅ တနင်္သာရီမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)က တနင်္သာရီမြို့နယ်အတွင်းက ပြည်သူ့‌အခြေပြုမြေပြင်ကျောင်းတကျောင်းမှာ ယမန်နေ့က လေကြောင်းရန်ကာကွယ်နည်း သရုပ်ပြဗီဒီယိုတွေနဲ့ အခြားတော်လှန်ရေးရုပ်ရှင်တွေ ပြသခဲ့ပါတယ်။ အဲ့ဒီနောက်မှာတော့ ခေတ်အဆက်ဆက်ကျဆုံးသွားတဲ့ ရဲဘော်တွေကို အလေးပြုပြီး ကဗျာရွတ်တာတွေ ပြုလုပ်ခဲ့ကြပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #တနင်္သာရီ #လေကြောင်းရန်

ဗကသများအဖွဲ့ချုပ်က ယင်းမာပင်မှာ လက်နက်ကြီးနဲ့ လေကြောင်းအန္တရာယ် အသိပညာပေး ဇူလိုင်လ ၁ရက်၊ ၂၀၂၅ ယင်းမာပင်မြို့နယ်ကျောင်းသားများသမဂ္ဂက ဇွန်လ နောက်ဆုံးရက်သတ္တပတ်မှာ မြိုနယ်အတွင်းက ဒေသခံပြည်သူလူထုကို လက်နက်ကြီးနဲ့ လေကြောင်းအန္တရာယ် သတိပေးစာဖြန့်ဝေပြီး အသိပညာပေးတာတွေ ပြုလုပ်ခဲ့ပါတယ်။ စစ်ကောင်စီရဲ့ လက်နက်ကြီးတွေ၊ တိုက်ခိုက်ရေးလေယာဉ်တွေနဲ့ မကြာခဏ ပစ်ခတ်တိုက်ခံရတဲ့ ယင်းမာပင်နယ်ထဲက စာသင်ကျောင်း၊ လမ်းသွားလမ်းလာပြည်သူလူထုနဲ့ စစ်ဘေးရှောင်စခန်းတွေမှာ အခုလို သတိပေးစာတွေ လိုက်လံဖြန့်ဝေခဲ့တာဖြစ်ပါတယ်။ မေလ ၁၄ရက်မှာ စစ်ကောင်စီရဲ့ လက်နက်ကြီး ထိမှန်ခဲ့တာကြောင့် ယင်းမာပင်မြို့နယ်က ၁၂တန်းကျောင်းသူ ၁ဦး သေဆုံးခဲ့ပါတယ်။ ၂၀၂၅ ခုနှစ်၊ ဇွန်လ ၃၀ရက်နေ့အထိ မှတ်တမ်းများအရ လေကြောင်းတိုက်ခိုက်မှုကြောင့် နိုင်ငံတဝှမ်း အရပ်သား ၁၅၀၅ဦးအထိ သေဆုံးခဲ့ပြီး ၂၀၂၁၊ ၂၀၂၂၊ ၂၀၂၃ နဲ့ ၂၀၂၅ခုနှစ်တို့မှာ စစ်ကိုင်းတိုင်းဟာ လေကြောင်းတိုက်ခိုက်မှုကြောင့် သေဆုံးသူအများဆုံးဖြစ်တယ် လို့ AAPPက ထုတ်ပြန်ထားပါတယ်။ စစ်ကောင်စီတပ်က နိုင်ငံအနှံ့မှာရှိတဲ့ စာသင်ကျောင်းတွေ၊ ကျေးရွာတွေနဲ့ လူနေအဆောက်အဦတွေကို လက်နက်ကြီးနဲ့ လေကြောင်းက...

ဗကသများအဖွဲ့ချုပ် ဗဟိုစည်းရုံးရေးကော်မတီနှင့် လုပ်ငန်းကော်မတီအရပ်ရပ်တွင် တာဝန်ပေးအပ်ခြင်း _______ အောက်ပါရဲဘော်များအား ဗကသများအဖွဲ့ချုပ် ဗဟိုစည်းရုံးရေးကော်မတီနှင့် သက်ဆိုင်ရာ လုပ်ငန်းကော်မတီအရပ်ရပ်တွင် တာဝန်ထမ်းဆောင်ရန် တာဝန်ပေးအပ်လိုက်သည်။ ကိုဝေယံဖြိုးမိုး (တွဲဘက်အတွင်းရေးမှူး - ၃၊ ဗဟိုစည်းရုံးရေးကော်မတီ) ကိုသန့်ဇင် (အဖွဲ့ဝင်၊ ဗဟိုစည်းရုံးရေးကော်မတီ)၊ (အဖွဲ့ဝင်၊ နိုင်ငံခြားရေးရာကော်မတီ) မသီရိဇော် (အဖွဲ့ဝင်၊ ဗဟိုစည်းရုံးရေးကော်မတီ)၊ (အဖွဲ့ဝင်၊ သတင်းနှင့်ပြန်ကြားရေးကော်မတီ) ကိုဘချို (အဖွဲ့ဝင်၊ သတင်းနှင့်ပြန်ကြားရေးကော်မတီ) မသွန်းသီရိသူ (အဖွဲ့ဝင်၊ နိုင်ငံခြားရေးရာကော်မတီ) ကိုစွမ်းရည်လင်း (အဖွဲ့ဝင်၊ လူထုလုပ်ငန်းကော်မတီ) ကိုထက်သူရ (အဖွဲ့ဝင်၊ လူထုလုပ်ငန်းကော်မတီ) မနုငယ် (အဖွဲ့ဝင်၊ လူထုလုပ်ငန်းကော်မတီ) ကိုသူရိန်ဇော်လင်း (အဖွဲ့ဝင်၊ လူထုလုပ်ငန်းကော်မတီ) မယုသိင်္ဂီ (အဖွဲ့ဝင်၊ မှတ်တမ်းနှင့်သုတေသနရေးရာကော်မတီ) ဗဟိုစည်းရုံးရေးကော်မတီ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် #ABFSU #ဗကသ

မြိုင်မြို့နယ်တွင် ဗကသများအဖွဲ့ချုပ်မှ လေကြောင်းအန္တရာယ်ကာကွယ်ရေး အသိပညာပေးဆွေးနွေးပွဲနှင့် သရုပ်ပြခြင်းများ ပြုလုပ် ဇွန်လ ၈ရက်၊ ၂၀၂၅ ရေစကြိုမြို့နယ်ကျောင်းသားသမဂ္ဂနှင့် မြိုင်မြို့နယ်ကျောင်းသားသမဂ္ဂ ပူးပေါင်းပြီး မြိုင်မြို့နယ်ရှိ ပြည်သူ့အခြေပြုကျောင်းတကျောင်းမှာ လေကြောင်းအန္တရာယ်ကာကွယ်ရေး အသိပညာပေးဆွေးနွေးပွဲတရပ် ကျင်းပခဲ့ကြပါတယ်။ ဒီဆွေးနွေးပွဲမှာတော့ ကျောင်းသားကျောင်းသူတွေအနေနဲ့ လေကြောင်းအန္တရာယ် ကြုံတွေ့ရစဉ်မှာ ဘေးအန္တရာယ်ကင်းစွာ နေထိုင်နိုင်ရေး၊ စနစ်ကျစွာ နေထိုင်နိုင်ရေးတို့အတွက် သရုပ်ပြလေ့ကျင့်မှုတွေ ပြုလုပ်ခဲ့ကြပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #ရေစကြို #မြိုင် #လေကြောင်းအန္တရာယ် 

"လည်ပင်းနဲ့ဓား အတူယှဉ်တွဲနေထိုင်လို့မရ" စာသားပါ ဘန်နာချိတ်ဆွဲ၍ ကျောင်းသားထုလှုပ်ရှားမှုတရပ် ပြုလုပ် ဇွန်လ ၈ရက်၊ ၂၀၂၅ ယင်းမာပင်မြို့နယ်ထဲက အများပြည်သူသွားလာနေတဲ့ လမ်းပိုင်းတနေရာမှာ "လည်ပင်းနဲ့ဓား အတူယှဉ်တွဲနေထိုင်လို့မရ" စာသားပါဘန်နာကို ချိတ်ဆွဲပြီး ယင်းမာပင်မြို့နယ်ကျောင်းသားများသမဂ္ဂနဲ့ ပုလဲမြို့နယ်ကျောင်းသားများသမဂ္ဂ (ဗကသများအဖွဲ့ချုပ်) က အာဏာရှင်ဆန့်ကျင်ရေးလှုပ်ရှားမှုတရပ် ပူးပေါင်းပြုလုပ်ခဲ့ကြပါတယ်။ ၂၀၂၅၊ မေလအတွင်းမှာ စစ်တပ်အထိုင်ချရာနေရာ၊ စစ်ကောင်စီစိုးမိုးဒေသတွေနဲ့ နီးစပ်ဒေသအချို့မှာ စစ်ကောင်စီက စာသင်ကျောင်း၊ ဘကကျောင်းတွေ ပြန်လည်ဖွင့်လှစ်ရေး ဗန်းပြပြီး ဒေသခံကျောင်းသားကျောင်းသူတွေနဲ့ သူတို့ရဲ့မိဘတွေရဲ့ အိမ်ထောင်စုစာရင်းနဲ့ အခြားအချက်အလက်တွေကို အတင်းအဓမ္မကောက်ခံနေပါတယ်။ တဆက်တည်းမှာပဲ ကျောင်းတွေမှာ အတန်းကျော်တက်နိုင်ရေးအတွက် ပိုက်ဆံကောက်ခံတာ၊ စစ်ကောင်စီနဲ့နီးစပ်တဲ့ စီးပွားရေးလုပ်ငန်းရှင်တွေက သူတို့လုပ်ငန်းလည်ပတ်‌ရေးအတွက် ဒေသခံတွေကို ငွေကြေးပေးပြီး မသမာတဲ့ နည်းလမ်းနဲ့ လက်ဝါးကြီးအုပ်တာတွေ ပြုလုပ်နေကြပါတယ်။ ‌ဒီအ‌ခြေအနေတွေကြောင့် ဒေသခံပြည်သူလူ...

ဗမာနိုင်ငံလုံးဆိုင်ရာ အမျိုးသမီးများသမဂ္ဂ တည်ထောင်ခြင်း တနှစ်ပြည့် ဝမ်းမြောက်ကြောင်း သဝဏ်လွှာ သ၀ဏ်လွှာအမှတ် - ၉/ဗကသ/၂၀၂၅ ရက်စွဲ - ၂၀၂၅ ခုနှစ်၊ ဇွန်လ ၆ ရက် ဗဟိုစည်းရုံးရေးကော်မတီ ဗကသများအဖွဲ့ချုပ် #ABFSU #ABWU #အမျိုးသမီးသမဂ္ဂ #‌ဗမသ

ရေစကြိုနှင့် မြိုင်ကျောင်းသားများသမဂ္ဂမှ အိုးတိန်တွင်းဖြစ်စဉ်အတွင်း ကျဆုံးသွားသူများ၏ ကျန်ရစ်သူမိသားစုအား လှူဒါန်း မေလ ၁၉ ရက်၊ ၂၀၂၅ ခုနှစ် ရေစကြိုမြို့နယ်ကျောင်းသားများသမဂ္ဂနဲ့ မြိုင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) ပူးပေါင်းပြီး မေလ ၁၂ ရက်နေ့မှာ စစ်ကောင်စီရဲ့ လေယာဉ်နဲ့ ဗုံးကြဲတိုက်ခိုက်ခံခဲ့ရတဲ့ ဒီပဲယင်းမြိုနယ်၊ အိုးတိန်တွင်းကျေးရွာ စာသင်ကျောင်းအတွင်းမှာ သေဆုံးသွားခဲ့တဲ့  ကျောင်းသား ၂၂ ယောက်နဲ့ ဆရာမ ၂ ယောက်ရဲ့ ကျန်ရစ်သူမိသားစုဝင်တွေထံ တအိမ်ထောင်ကို ရှစ်သောင်းကျပ်စီနဲ့ စုစုပေါင်း ငွေ ၁၉ သိန်း ၂သောင်းကျပ် သွားရောက်ပေးအပ်ကူညီခဲ့ပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #ရေစကြို #မြိုင် #Airstrikes #Militaryatrocities #studentsunion #အိုးတိန်တွင်း

ယနေ့မနက်အ‌စောပိုင်း‌တွင် နိုင်ငံရေးအကျဉ်းသားဟောင်း ဒေါက်တာနေဝင်း ဆုံးပါးသွားသည့် သတင်းကြားသိရသဖြင့် ဗကသများအဖွဲ့ချုပ်အနေဖြင့် မိသားစုနှင့် နည်းတူ ထပ်တူထပ်မျှ ဝမ်းနည်းပူဆွေးရပါသည်။ ဗကသများအဖွဲ့ချုပ်အနေဖြင့် ဒေါက်တာနေဝင်းအား ဦးညွှတ်ဂုဏ်ပြုရင်း ဤဝမ်းနည်းကြောင်း သဝဏ်လွှာ ပေးပို့လိုက်ပါသည်။

ရေစကြိုမြို့နယ်ကျောင်းသားများသမဂ္ဂမှ ကျောင်းသားများနှင့် တွေ့ဆုံဆွေးနွေးပွဲတရပ် ပြုလုပ် မေလ ၁၃ရက်၊ ၂၀၂၅ ခုနှစ် ရေစကြိုမြို့နယ်ကျောင်းသားများသမဂ္ဂ (ဗကသများအဖွဲ့ချုပ်) က ဦးဆောင်ပြီး ရေစကြိုမြို့နယ်ရှိ ပြည်သူ့အခြေပြုကျောင်းက အထက်တန်း ကျောင်းသား၊ ကျောင်းသူတွေနဲ့ တွေ့ဆုံဆွေးနွေးပွဲ တရပ် ပြုလုပ်ခဲ့ပါတယ် ။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #ရေစကြို #တွေ့ဆုံဆွေးနွေးပွဲ #studentsunion

မြိုင်မြို့နယ်တွင် ဗကသများအဖွဲ့ချုပ်မှ လေကြောင်းအန္တရာယ်ကာကွယ်ရေး  သရုပ်ပြခြင်း၊ စာစောင်ဝေခြင်းများ ပြုလုပ် မေလ ၁၂ရက်၊ ၂၀၂၅ မြိုင်မြို့နယ်ကျောင်းသားများသမဂ္ဂက မြိုင်မြို့နယ်အတွင်း လေကြောင်းအန္တရာယ်ကာကွယ်ရေး လက်ကမ်းစာစောင်တွေ ဖြန့်ဝေပြီး ပြည့်သူအခြေပြုကျောင်း ခုနစ်ကျောင်းက ကျောင်းသား‌ကျောင်းသူတွေကို လေကြောင်းအန္တရာယ် ကြုံတွေ့လာစဉ် ‌‌‌ဘေးအန္တရာယ် ကင်းစွာနေထိုင်နိုင်ရန်နဲ့ နည်းစနစ်ကျစွာနေထိုင်နည်း‌တွေကို‌လည်း သရုပ်ပြပေးပြီး လေ့ကျင့်ပေးခဲ့ကြပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #Airstrike #studentsunion #militaryatrocities #resistance