All Burma Federation Of Student Unions (ABFSU)

ရက္ခိုင်ပြည် ကျောက်တော်မြို့အား ဗုံးကြဲတိုက်ခိုက်မှုကို ဆန့်ကျင်ရှုတ်ချခြင်း ရက်စွဲ - ၂၀၂၆ခုနှစ်၊ စက်တင်ဘာလ (၃၀) ရက် စက်တင်ဘာ ၂၈ ရက်၊ ၂၀၂၆ခုနှစ် တွင် ကျောက်တော်မြို့၊ အိန္ဒိယဈေးနှင့် ကစ္ဆပနဒီတံတား ပတ်ဝန်းကျင်တို့အား ဖက်ဆစ် စစ်အုပ်စုမှ ဗုံးကြဲတိုက်ခိုက်ခဲ့ပြီး အာရက္ခပြည်သူ အနည်းဆုံး ၅၀ ဦးသေဆုံးကာ ၅၈ ဦးထိခိုက်ဒဏ်ရာရရှိခဲ့ကြောင်း ကြားသိရသဖြင့် လွန်စွာ ဝမ်းနည်းခံပြင်းမိပါသည်။ အသက်ဆုံးရှုံးခဲ့သူများ၊ ထိခိုက်ဒဏ်ရာရရှိသူများအတွက် ကျန်ရစ်သူမိသားစုဝင်များနှင့် ထပ်တူ ဝမ်းနည်းကြေကွဲရပါသည်။ တပြည်လုံးအနှံ့ လူမျိုးပေါင်းစုံ အဖိနှိပ်ခံ ပြည်သူလူထု၏ ဆန့်ကျင်တော်လှန်မှုနှင့် ရင်ဆိုင်နေရ‌သော ဖက်ဆစ်စစ်အုပ်စုသည် ရက္ခိုင်ပြည်ကို အပြင်းအထန် ထိုးစစ်ဆင် တိုက်ခိုက်လျက် ရှိပါသည်။ ယခုဗုံးကြဲတိုက်ခိုက်မှုသည် အရပ်သားပြည်သူများကို ရည်ရွယ်ချက်ရှိရှိ ပစ်မှတ်ထား တိုက်ခိုက်လိုက်ခြင်းဖြစ်ပြီး ဖက်ဆစ်စစ်အုပ်စုအနေဖြင့် နိုင်ငံတကာလူသားချင်းစာနာထောက်ထားမှု ဥပဒေ ( International Humanitarian Law - IHL)ကို ချိုးဖောက်ပြီး နောက်ထပ် စစ်ရာဇဝတ်မှုတခုကို ပြောင်ပြောင်တင်းတင်း ထပ်မံကျူးလွန်လိုက်ခြင်းပင်ဖြစ်သည်။  အာရက္ခပြည်သူလူထုသည် ...

  အိုးဝေစာစောင် အတွဲ ၅၊ အမှတ် ၃ ____________________________________ အိုးဝေစာစောင် အတွဲ ၅၊ အမှတ် ၃ ထွက်ရှိလာပါပြီ။ ဒီတခေါက်အိုးဝေ စာစောင်မှာတော့ နိုင်ငံရေး၊ လူမှုရေး၊ နည်းပညာ ပြဿနာတွေနဲ့ အလုပ်သမားရေးတွေအပြင် အခြား ကဗျာတွေ၊ ဆောင်းပါးတွေကို ဖတ်ရှုနိုင်မှာဖြစ်ပါတယ်။ အိုးဝေစာစောင် အတွဲ ၅၊ အမှတ် ၃ မှာ ပါဝင်တဲ့တဲ့ စာမူတွေကတော့ အောက်ပါအတိုင်းဖြစ်ပါတယ်။ အထွေထွေအကျပ်အတည်းမှသည် စစ်အာဏာရှင်စနစ် ဖျက်သိမ်းရေးဆီသို့ (အယ်ဒီတာ့အာဘော်) ပြင်သစ် လူ့အခွင့်အရေးနှင့် နိုင်ငံသားအခွင့်အရေးများ ကြေညာစာတမ်း လာ သူငယ်ချင်း ဆယ်ကျော်သက်တွေအတွက် စိုးရိမ်စရာ AI နဲ့ Sex Chat တဲ့ ပြဿနာ ခုခံတော်လှန်ခြင်းသည် လူ့အခွင့်အရေး စစ်ကော်မရှင်ကြောင့် ပိုကျပ်တည်းလာရတဲ့ ထိုင်းရောက် ရွှေ့ပြောင်းအလုပ်သမားအခြေအနေ အိုးဝေစောင်စောင်ကို အောက်ပါလင့်ခ်တွေကနေ တဆင့် ဒေါင်းလုတ်ရယူပြီး ဖတ်ရှုနိုင်ပါတယ်။  https://tinyurl.com/pcjuwu84 (ဒစ်ဂျစ်တယ်)  https://tinyurl.com/4x3d4ers (စာစောင်ထုတ်ဝေရန်) အိုးဝေစာစောင်ကို လွတ်လပ်စွာ ပြန်လည်ထုတ်ယူဖြန့်ဝေနိုင်ပါတယ်။ #Oway #ABFSU #UYSU #Volume5Issue3

မြင်းခြံနဲ့ မြောင်မှာ ၁၉ နှစ်မြောက် ရွှေဝါရောင်တော်လှန်ရေးနေ့ အထိမ်းအမှတ်အဖြစ် ဗကသ က ပန်းဖလက်ဖြန့်ဝေ စက်တင်ဘာလ ၁၈ ရက်၊ ၂၀၂၆ မြောင်မြို့နယ် ကျောင်းသားများသမဂ္ဂမှ မြင်းခြံမြို့နယ် နဲ့ မြောင်မြို့နယ်မှာ ၁၉ နှစ်မြောက် ရွှေဝါရောင်တော်လှန်ရေးနေ့ အထိမ်းအမှတ်အဖြစ် ပန်းဖလက်များဖြန့်ဝေခဲ့ပါတယ်။ မြင်းခြံမြို့နယ်မှာတော့ ဒေသခံလူထုထံ ဖြန့်ဝေခဲ့ပြီး မြောင်မြို့နယ်မှာတော့ ဒေသခံလူထုနဲ့ လူထုအခြေပြုစာသင်ကျောင်းတကျောင်းမှာပါ ဖြန့်ဝေခဲ့ပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် 

ကနီမှာ ရွှေဝါရောင်တော်လှန်ရေး ၁၉ နှစ်ပြည့်အထိမ်းအမှတ် စစ်အာဏာရှင်စနစ်ဆန့်ကျင်ရေးလှုပ်ရှားမှုတရပ် ကျင်းပပြုလုပ်  စက်တင်ဘာလ ၁၈ ရက်၊ ၂၀၂၆ ရွှေဝါရောင်တော်လှန်ရေး ၁၉ နှစ်ပြည့် အထိမ်းအမှတ်အဖြစ် စစ်အာဏာရှင်စနစ် ဆန့်ကျင်ရေး လှုပ်ရှားမှုတရပ်ကို ဒီကနေ့ စက်တင်ဘာ ၁၈ ရက်နေ့ ကနီမြို့နယ်မှာ ကျင်းပပြုလုပ်ခဲ့ပါတယ်။ "အထွေအထွေအကြပ်အတည်းဖြေရှင်းရေးမှသည် စစ်အာဏာရှင်စနစ် ဖျက်သိမ်းရေးဆီသို့'' စာသားပါဘန်နာကို ကိုင်စွဲပြီး ကနီမြို့နယ်ကျောင်းသားများသမဂ္ဂ နှင့် ဘုတလင်မြို့နယ်ကျောင်းသားများသမဂ္ဂတို့က ကျင်းပခဲ့တာပါတယ်။  တဆက်တည်းမှာပဲ ရွှေဝါရောင်တော်‌လှန်ရေး အရေးအခင်း‌အကြောင်းအရာ ပါဝင်တဲ့ လက်ကမ်းစာစောင်တွေကိုလည်း ဖြန့်ဝေခဲ့ကြပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် 

၁၉ နှစ်မြောက် ရွှေဝါရောင်တော်လှန်ရေးနေ့ အထိမ်းအမှတ်အဖြစ် ဗကသ က ပန်းဖလက်ဖြန့်ဝေ စက်တင်ဘာလ ၁၈ ရက်၊ ၂၀၂၆ မြိုင်မြို့နယ် ကျောင်းသားများသမဂ္ဂ (ဗကသများအဖွဲ့ချုပ်) က မြိုင်မြို့နယ်ရှိ လူထုအခြေပြုစာသင်‌ကျောင်း ၃ ကျောင်းမှာ  ၁၉ နှစ်မြောက် ရွှေဝါရောင်တော်လှန်ရေးနေ့ အထိမ်းအမှတ်အဖြစ် ပန်းဖလက်တွေ ဖြန့်ဝေခဲ့ကြပါတယ်။

  မကသခေါင်းဆောင်ဟောင်း ၈၈ မျိုးဆက်ကျောင်းသားခေါင်းဆောင်ဟောင်း ကိုစိုးမိုးနိုင် (ခ) ကိုဒိန်းဒေါင် ကျဆုံးခြင်းအတွက် ဝမ်းနည်းကြောင်း သဝဏ်လွှာ သဝဏ်လွှာအမှတ် - ၁၂/ဗကသ/၂၀၂၆ ရက်စွဲ - ၂၀၂၆ ခုနှစ်၊ စက်တင်ဘာလ ၁၆ ရက်

ဗကသများအဖွဲ့ချုပ်၏ ရေဘေးကူညီရေးလုပ်ဆောင်မှုများ ထုတ်ပြန်ချက် စက်တင်ဘာလ ၁၄ ရက်၊ ၂၀၂၆ ဩဂုတ်လတွင် အညာနှင့် ဧရာဝတီဒေသအတွင်း ရေကြီးရေလျှံဖြစ်မှုကြောင့် ဒေသခံပြည်သူလူထုအနေနှင့် ကြီးမားသည့် အထွေထွေအကျပ်အတည်းကို ရင်ဆိုင်ခဲ့ရသည်။ ထို့ကြောင့် ဗကသများအဖွဲ့ချုပ်အနေနှင့် စစ်ကိုင်းနှင့် ဧရာဝတီဒေသအတွင်းရှိ ရေဘေးသင့်ဒေသများထံ သွားရောက်ပြီး ဒေသခံပြည်သူများအား လိုအပ်သည့် အခြေခံစားသောက်ကုန်၊ လူသုံးကုန် ပစ္စည်းများ လှူဒါန်းခဲ့ကြသည်။ ဗကသများအဖွဲ့ချုပ်အနေနှင့် နီးစပ်ရာအင်အားစုများနှင့် ပြည်သူလူထု၏ ပါဝင်ထည့်ဝင်မှုတို့ကြောင့် ရေဘေးသင့်ပြည်သူများအတွက် စုစုပေါင်း သိန်း ၃၀၀ ကျော် (၃၅,၂၅၉,၂၅၀ ကျပ်) ရန်ပုံငွေလက်ခံရရှိခဲ့သည်။ ရေဘေးသင့်ဒေသခံများအတွက် ကူညီထောက်ပံ့မှုများကို ဩဂုတ်လမှစ၍ စက်တင်ဘာလအထိ လုပ်ဆောင်ခဲ့ပြီး လုံခြုံရေးအခြေအနေများကြောင့် ယခုမှ ထုတ်ပြန်ရခြင်းဖြစ်သည်။ #abfsu #floodrelief #studentsmovement #studentsunion

ဗကသများအဖွဲ့ချုပ် ကျောင်းသားခေါင်းဆောင်ဟောင်းနှင့် နိုင်ငံရေးအကျဉ်းသားဟောင်း စာရေးဆရာ ဦးလှကွန့် (သို့မဟုတ်) ဦးလေးမြင့် ကွယ်လွန်ခြင်းအတွက် ဝမ်းနည်းကြောင်း သဝဏ်လွှာ သဝဏ်လွှာအမှတ် - ၁၁/ဗကသ/၂၀၂၆ ‌ရက်စွဲ - ၂၀၂၆ ခုနှစ်၊ စက်တင်ဘာလ၊ ၁၃ ရက် ဗကသများအဖွဲ့ချုပ် ၁၉၅၆ ခုနှစ် ကျောင်းသားခေါင်းဟောင်းတဦးအဖြစ် တာဝန်ထမ်းဆောင်ခဲ့သည့် ဦးလှကွန့်သည် စက်တင်ဘာလ ၁၁ ရက် ညနေပိုင်းတွင် ကွယ်လွန်သွားကြောင်း ကြားသိရသဖြင့် ဗကသများအဖွဲ့ချုပ်အနေနှင့် အထူးပင် ဝမ်းနည်းမိပါသည်။ ဦးလှကွန့်သည် ဗကသများအဖွဲ့ချုပ်တွင်လည်း ကျရာနေရာမှာ ကျေပွန်စွာ တာဝန်ထမ်းဆောင်ခဲ့ပြီး စစ်အာဏာရှင်စနစ်ကို ဆန့်ကျင်တိုက်ပွဲဝင်ရင်း မတရားဖမ်းဆီးခံခဲ့ရသူလည်း ဖြစ်သည်။ ထို့အပြင် သူသည် သမိုင်းသုတေသီတဦးအဖြစ်လည်း ဆည်းပူးလေ့လာဝေမျှရင်း လူထုအထံ အသိပညာ ဖြန့်ဝေခဲ့သူဖြစ်သည်။ ဗကသများအဖွဲ့ချုပ်အနေနှင့် ဦးလှကွန့်၏ ဖြတ်သန်းမှု၊ စစ်အာဏာရှင်ဆန့်ကျင်ရေးစိတ်ဓာတ်နှင့် အသိပညာတ်ို့ကို ဂုဏ်ယူတန်ဖိုးထားရသည့်အပြင် ဦးလှကွန့် ကွယ်လွန်သွားခြင်းအတွက်လည်း မိသားစုနဲ့ထပ်တူ ဝမ်းနည်းမိကြောင်း ပြောကြားရင်း ဤသဝဏ်လွှာကို ပေးပို့အပ်ပါသည်။ #ABFSU

ဗကသများအဖွဲ့ချုပ် ရဲဘော်ဟောင်း တာရာ (ခ) ဘုန်းတာရာနွယ် ကျဆုံးခြင်းအတွက် ဝမ်းနည်းကြောင်း သဝဏ်လွှာအမှတ် - ၁၀/ဗကသ/၂၀၂၆ ရက်စွဲ - ၂၀၂၆ ခုနှစ်၊ စက်တင်ဘာလ ၃ ရက် ရဲဘော်တာရာသည် ၂၀၂၁ ခုနှစ်မှ ၂၀၂၃ ခုနှစ်အထိ  ဗကသများအဖွဲ့ချုပ် တာဝန်ထမ်းဆောင်ခဲ့ပြီး မအူပင်ခရိုင်တွင် အတွင်းရေးမှူးအဖြစ် ထမ်းရွက်ခဲ့သူဖြစ်သည်။ ရဲဘော်တာရာသည် စစ်အာဏာရှင်ဆန့်ကျင်ရေးတာဝန်များကို ထမ်းဆောင်ရင်း ဩဂုတ်လ ၂၆ ရက် (ဗုဒ္ဓဟူးနေ့) မနက် ၈ နာခွဲအချိန်မှာ ကျဆုံးခဲ့ကြောင်း သိရသည်။ ရဲဘော်တာရာသည် စစ်အာဏာရှင်စနစ်ဆန့်ကျင်ရေး ခရီးလမ်းကြောင်းပေါ်တွင် ခိုင်ခိုင်မာမာ ရပ်တည်လျှောက်လှမ်းပြီး ကျရာနေရာတွင် တာဝန်ကို ကျေပွန်စွာ ထမ်းရွက်ခဲ့သူ ဖြစ်သည်နှင့်အညီ ရဲဘော်၏ ကျဆုံးမှုအတွက် ဗကသများအဖွဲ့ချုပ်မှ မိသားစုနှင့်ထပ်တူ ဝမ်းနည်းရပါသည်။ဗကသများအဖွဲ့ချုပ်အနေနှင့် ရဲဘော်တာရာ၏ စွန့်လွှတ်အနစ်နာခံမှုနှင့် စစ်အာဏာရှင်စနစ် ဆန့်ကျင်ရေးစိတ်ဓာတ်တို့ကို လေးစားဂုဏ်ပြုပါကြောင်း ပြောကြားရင်း ဤဝမ်းနည်းကြောင်း သဝဏ်လွှာကို ပေးပို့အပ်ပါသည်။ ဗဟိုစည်းရုံးရေးကော်မတီ ဗကသများအဖွဲ့ချုပ်

 LETTER OF CONDOLENCE AND SOLIDARITY  To: Nepal Students’ Union (NSU) Our Comrades and Fellow Students, We, All Burma Federation of Student Unions - ABFSU, alongside the students and people of Burma, extend our deepest condolences and heartfelt solidarity to the people of Nepal who are suffering from the devastating floods and landslides. We mourn with the families who have lost their loved ones, and we stand with those who have lost their homes, livelihoods, and communities. We also share our deepest concern for those who remain missing and for all the communities struggling to survive in the aftermath of this disaster. We appreciate the efforts of students, young people, volunteers, rescue workers, and local communities who have come together to help those affected. Such collective actions demonstrate the power of solidarity: when people stand together, they can protect and support one another even in the face of enormous adversity. Those who have contributed the least to en...

  ရိုဟင်ဂျာဂျီနိုဆိုက်အောက်မေ့ဖွယ်နေ့ အခမ်းအနားများသို့ ပေးပို့သောသဝဏ်လွှာ (၂၅ ဩဂုတ်၊ ၂၀၂၆) ရက္ခိုင်မြောက်ပိုင်း၊ ကော့(ဇ)ဘဇားဒုက္ခသည်စခန်းကြီးနှင့် နိုင်ငံအတွင်းအပြင် ရုန်းကန်နေထိုင်နေရတဲ့ အဖိနှိပ်ခံ ရိုဟင်ဂျာလူထုတရပ်လုံး ကျန်းမာဘေးကင်းပါစေကြောင်း ဦးစွာဆန္ဒပြုလိုပါတယ်။ ဒီနေ့ဟာ ရိုဟင်ဂျာဂျီနိုဆိုက်ကို ပိုပြီး အမှတ်ရကြရမယ့် နေ့တနေ့ဖြစ်ပါတယ်။  သမိုင်းတလျှောက်မှာ ရိုဟင်ဂျာတွေအနေနဲ့ ဖွဲ့စည်းပုံဆိုင်ရာနဲ့ ဥပဒေရေးရာလိုကိစ္စရပ်တွေလို ဥပဒေဘောင်တွင်း ဖိနှိပ်မှုများကစလို့ နေ့စဉ်လူနေမှုဘဝမှာပါ ခွဲခြားဖိနှိပ်ခံရတာတွေ၊ ကန့်သတ်ခံရတာတွေ၊ လူအဖြစ်က လျှော့ချစဉ်းစားခံရတာတွေအထိ ဆင်းရဲဒုက္ခမျိုးစုံကို တွေ့ကြုံခံစားခဲ့ရတာ ဖြစ်ပါတယ်။ ဒီဖိနှိပ်မှုတွေဟာ နောက်ဆုံးမှာတော့ လူသားသမိုင်းရဲ့ အကျည်းတန်ဆုံးဖြစ်ရပ်ဖြစ်တဲ့ ဂျီနိုဆိုက်လူမျိုးသုဉ်းသတ်ပွဲကြီးအထိ ရောက်ရှိသွားခဲ့ပါတယ်။ မိခင်ရှေ့မှာတင် နို့စို့အရွယ်ကလေးငယ်ကို အရှင်လတ်လတ် မီးရှို့သတ်ဖြတ်ခဲ့တဲ့ ဖြစ်စဉ်မျိုးတွေလည်း မြောက်များစွာ ရှိခဲ့ပါတယ်။ ဒါတွေဟာ အခုချိန်ထိ မရပ်တန့်နေသေးပါ။ - အရင် ၂၀၂၁ အလွန် ဒီလိုနေ့မှာဆိုရင် ရဲဘော်ရဲဘက်တွေနဲ့ ပြည်သူတွေက ရိုဟင်ဂျာလူထု...

ဗကသမျိုးဆက်ရဲဘော်ဟောင်းနှင့် နိုင်ငံရေးအကျဉ်းသားဟောင်း ကိုမောင်မောင်ကျော် ကွယ်လွန်ခြင်းအတွက် ဝမ်းနည်းကြောင်း သဝဏ်လွှာ သဝဏ်လွှာအမှတ် - ၉/ဗကသ/၂၀၂၆ ရက်စွဲ - ၂၀၂၆ ခုနှစ်၊ ဩဂုတ်လ ၂၄ ရက်

ရေဘေး၊ ဖက်ဆစ် ဗုံးဒဏ်နဲ့ ဖြတ်လေးဖြတ်ကြားက အညာလူထု နိုင်ငံတဝန်း မိုးသည်းထန်စွာ ရွာသွန်းတာနဲ့ ဆည်ရေတွေ ဖောက်ချတာကြောင့် နေရာတော်တော်များများမှာ ရေကြီးရေလျှံမှုတွေ ဖြစ်နေပါတယ်။ အဲဒီအထဲကမှ အဆိုးဆုံးကတော့ အညာဒေသ ဖြစ်ပါတယ်။ ဩဂုတ်လ အစောပိုင်းကစပြီး အညာဒေသမှာ မိုးသည်းထန်စွာ ရွာသွန်းခဲ့ပြီး ဆည်တွေမှာ ရေလျှံတာတွေ ဖြစ်ပွားခဲ့ပါတယ်။ ဩဂုတ်လ ၅ ရက်နေ့မှာတော့ စစ်ကော်မရှင်က ပြည်သူတွေကို ကြိုတင်အသိပေးတာ မရှိဘဲ စစ်ကိုင်းတိုင်း၊ ကန့်ဘလူခရိုင်၊ ကျွန်းလှမြို့နယ်က သဖန်းဆိပ်ဆည်ကို ဖောက်ချလိုက်တာကြောင့် ဒေသခံတွေ အနေနဲ့ ကြိုတင်ပြင်ဆင်ချိန် မရဘဲ ရေဘေးသင့်ခဲ့ကြရပါတယ်။ အဲဒီလို ကြိုတင်အသိပေးတာ မရှိဘဲ ဆည်ဖောက်ချလိုက်တာကြောင့် ဆည်အောက်ဘက်က မြို့နယ်တွေဖြစ်တဲ့ ကောလင်း၊ ကန့်ဘလူ၊ ခင်ဦး၊ ရွှေဘို၊ ဝက်လက်၊ တန့်ဆည်၊ ဒီပဲယင်း၊ အရာတော်၊ ရေဦး၊ မြင်းမူ၊ စစ်ကိုင်း စတဲ့ မြို့နယ်တွေဟာ ချက်ချင်းဆိုသလို ရေဘေးသင့်ခဲ့ကြတာ ဖြစ်ပါတယ်။ အညာဒေသက မြို့နယ်တော်တော်များများမှာ အဲဒီလို ရေဘေးသင့်နေကြပေမဲ့ စစ်ကော်မရှင် ကတော့ အညာကို ပိုဖိနှိပ်ဖို့ ဆက်တိုက်ကြိုးစားနေပါတယ်။ အညာရေဘေးကို ရန်ကုန်နဲ့ မန္တလေးလို မြို့ကြီးတွေက လာရောက်ကူညီကယ်ဆယ်သူတွေကို စစ်...

"ဘုံရန်သူဦးတည်တိုက်ရေးနှင့် ညီညွတ်ရေးစကားဝိုင်း" ရှစ်လေးလုံးအရေးတော်ပုံကြီးကို ဆင်နွှဲခဲ့တာ အခုဆိုရင် (၃၈) နှစ်တောင် ကြာခဲ့ပါပြီ။ ဒီအရေးတော်ပုံကြီးဟာဆိုရင် စစ်အာဏာရှင်စနစ်ဆန့်ကျင်ရေးသမိုင်းကြောင်းမှာ အရေးပါတဲ့ အခန်းကဏ္ဍမှာ ရှိခဲ့ပြီး အခု ၂၀၂၁ နွေဦးတော်လှန်ရေးအတွက်လည်း သမိုင်းသင်ခန်းစာတွေ အများကြီးလက်ဆင့်ကမ်းနိုင်ခဲ့တဲ့ တော်လှန်ရေးတရပ်ဆိုလည်း ဟုတ်ပါတယ်။ ဒါကြောင့် (၃၈) နှစ်မြောက် ရှစ်လေးလုံးအရေးတော်ပုံကြီး အထိမ်းအမှတ်အဖြစ် "ဘုံရန်သူဦးတည်တိုက်ရေးနှင့် ညီညွတ်ရေးစကားဝိုင်း" ကျင်းပပြုလုပ်သွားမှာ ဖြစ်ပါတယ်။ ဒီစကားဝိုင်းမှာတော့ ရှစ်လေးလုံးအရေးတော်ပုံကြီးနဲ့ ၂၀၂၁ နွေဦးတော်လှန်ရေးကြားက မတူညီကွဲပြားချက်တွေ၊ အရှေ့ရှေ့တော်လှန်ရေးတွေက သမိုင်းသင်ခန်းစာတွေနဲ့အတူ လက်ရှိတော်လှန်ရေးမှာ ဘာတွေလိုအပ်နေလဲ၊ ဘာတွေလုပ်ကြမလဲကို ဆွေးနွေးသွားမှာ ဖြစ်ပါတယ်။ ဒီကမှတဆင့် ဒီနွေဦးတော်လှန်ရေးအတွက် အရေးတကြီးလိုအပ်နေတဲ့ စစ်အာဏာရှင်စနစ်ဆန့်ကျင်ရေး အင်အားစုတွေကြားက ညီညွတ်ရေးတရပ်ကို မီးမောင်းထိုးပြပြီး ဒီညီညွတ်ရေးကို ဘယ်လိုဖော်ဆောင်ကြမလဲကို ဆွေးနွေးသွားမှာ ဖြစ်ပါတယ်။  ဒီစကားဝိုင်းကိုတော့ သပိတ်ကော်မတီအင်အား...

တက္ကသီလာအသိပညာပြန့်ပွားရေးအသင်းနဲ့ ဗကသများအဖွဲ့ချုပ်တို့ ပူးပေါင်းဖွင့်လှစ်ထားတဲ့ ကွန်ပျူတာလုပ်ငန်းခွင်ဝင်အတတ်သင် သင်တန်း အပတ်စဥ် (၁၄) ရဲ့ သင်တန်းဆင်းပွဲအခမ်းအနား ပြုလုပ် သြဂုတ်လ ၅ ရက်၊ ၂၀၂၆ တက္ကသီလာအသိပညာပြန့်ပွားရေးအသင်းနဲ့ ဗကသများအဖွဲ့ချုပ်တို့ ပူးပေါင်းဖွင့်လှစ်ထားတဲ့ ကွန်ပျူတာလုပ်ငန်းခွင်ဝင်အတတ်သင် သင်တန်း အပတ်စဥ် (၁၄) ရဲ့ သတင်းဆင်းပွဲအခမ်းအနားကို ပြုလုပ်ကျင်းပခဲ့ကြပါတယ်။ ဒီသင်တန် ကို တန့်ဆည်မြို့နယ်တနေရာမှာ ဖွင့်လှစ်ခဲ့ပြီး သင်တန်းအချိန် ၁ လကြာခဲ့ပါတယ်။ ၁ လကြာတဲ့နောက်မှာတော့ သင်တန်းဆင်းပွဲကို အောင်မြင်စွာ ပြုလုပ်နိုင်ခဲ့ပါတယ်။ သင်တန်သားဦးရေ ၃၅ ဦးခန့်ကို သင်တန်းပေးနိုင်ခဲ့ပြီး အရည်အချင်းစစ်စာမေးပွဲမှာ ထူးချွန်စွာဖြေဆိုအောင်မြင်ခဲ့သူ ၃၃ ဦး ရှိပါသည်။ အောင်မြင်သူတွေထဲကမှ အမှတ်အများဆုံး သုံးဦးကို ဆုချီးမြှင့်ခဲ့ပြီး ဆုရရှိသူတွေက သင်တန်းဆင်းပွဲ အမှတ်တရစကား ပြောခဲ့ကြပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ်

  ဗကသများအဖွဲ့ချုပ် ရဲဘော်ဟောင်း မအမရာမောင် ကျဆုံးခြင်းအတွက် ဝမ်းနည်းကြောင်း သဝဏ်လွှာ သဝဏ်လွှာအမှတ် - ၈/ဗကသ/၂၀၂၆ ရက်စွဲ - ၂၀၂၆ ခုနှစ်၊ ဇူလိုင်လ ၃၀ ရက် ဗကသများအဖွဲ့ချုပ် ရဲဘော်ဟောင်း မအမရာမောင် (ခ) စွန်ရဲမေ သည် (၂၈.၀၇.၂၀၂၆) အင်္ဂါနေ့ ည၁ ၁၀ နာရီဝန်းကျင်အချိန်မှာ ကျဆုံးခဲ့ကြောင်း သိရှိရသည့်အတွက် ဗကသများအဖွဲ့ချုပ်အနေဖြင့် လွန်စွာဝမ်းနည်းရပါသည်။ ရဲဘော် အမရာမောင်သည် တောင်တွင်းကြီးမြို့နယ်ကျောင်းသားများသမဂ္ဂ (ဗကသများအဖွဲ့ချုပ်) မှာ ၂၀၁၅ ခုနှစ်ကနေ ၂၀၁၇ ခုနှစ်အထိ ဥက္ကဌတာဝန် ထမ်းဆောင်ခဲ့ပြီး ၂၀၁၅ ဒီမိုကရေစီပညာရေးသပိတ်မှာလည်း တိုက်ပွဲဝင်လှုပ်ရှားခဲ့သည်။ ၂၀၂၁ ခုနှစ် စစ်အာဏာသိမ်းပြီးနောက်မှာလည်း စစ်အာဏာရှင်စနစ်ဆန့်ကျင်ရေးလမ်းကြောင်းပေါ် မားမားမတ်မတ် လျှောက်လှမ်းရင်း နိုင်ငံရေးအကျဉ်းသူအဖြစ်လည်း ဖြတ်သန်းခဲ့ရသည်။ အကျဉ်းထောင်မှ လွတ်မြောက်လာပြီးနောက်မှာလည်း စစ်အာဏာရှင်စနစ်ဆန့်ကျင်ရေးတိုက်ပွဲများတွင် ဆက်လက်ပါဝင်ခဲ့ပြီး  ဖိနှိပ်ခံပြည်သူလူထုအကျိုးကို သယ်ပိုးဆောင်ရွက်ခဲ့သူ ဖြစ်သည်။  မအမရာမောင်၏ စစ်အာဏာရှင်စနစ်ဆန့်ကျင်ရေးစိတ်ဓာတ်နှင့် စွန့်လွှတ်ပေးဆပ်မှုများကို ကျွန်ုပ်တို့ ဗကသများအဖွဲ့ချုပ်က အ...

OPEN LETTER TO THE NARENDRA MODI AND GOVERNMENT OF INDIA

 _______________________ End the Violence and Intimidation Against Students and Youth Exercising Their Democratic Rights We, student movements from Malaysia, Thailand, the Philippines, Indonesia and Burma, write to express our solidarity with the students and young people of India who have taken to the streets to defend their education, dignity and future. We are deeply concerned by reports of violence, intimidation, arrests and excessive force against students and peaceful demonstrators. Batons, tear gas, threats and detention are not legitimate answers to the grievances of a generation. The students are not enemies of the state. They are citizens demanding accountability from the institutions entrusted with their education and future. It is a fundamental democratic right. A government cannot claim to uphold democracy while treating peaceful civic participation as a threat to public order. Across Asia, student movements hav...

အိန္ဒိယ ဝန်ကြီးချုပ် နရိန္ဒရာ မိုဒီနှင့် အိန္ဒိယနိုင်ငံ အစိုးရသို့ အိတ်ဖွင့်ပေးစာ __________________________________ ဒီမိုကရေစီအခွင့်အရေးများကို ကျင့်သုံးနေသော ကျောင်းသားလူငယ်များအပေါ် ခြိမ်းခြောက်အကြမ်းဖက်ခြင်းများ ချက်ချင်းရပ် မလေးရှား၊ ထိုင်း၊ ဖိလစ်ပိုင်၊ အင်ဒိုနီးရှားနဲ့ ဗမာပြည် ကျောင်းသားလှုပ်ရှားမှုတွေအနေနဲ့ ပညာရေး၊ ဂုဏ်သိက္ခာနဲ့ အနာဂါတ်တွေကို ကာကွယ်ဖို့အတွက် လမ်းပေါ်ထွက်လာတဲ့ အိန္ဒိယကျောင်းသားလူငယ်တွေနဲ့ တသားတည်း ရပ်တည်တယ်။ ငြိမ်းချမ်းစွာဆန္ဒပြသူတွေ၊ ကျောင်းသားတွေအပေါ် အကြမ်းဖက်မှု၊ ခြိမ်းခြောက်မှု၊ ဖမ်းဆီးမှုနဲ့ တရားလက်လွန် အင်အားသုံးနှိမ်နင်းမှုတွေ ပြုလုပ်နေတဲ့အခြေအနေနဲ့ ပတ်သက်ပြီး အလွန်အမင်း စိတ်ပူမိပါတယ်။ နံပါတ်တုတ်တွေ၊ မျက်ရည်ယိုဗုံးတွေ၊ ခြိမ်းခြောက်မှုတွေနဲ့ ဖမ်းဆီးချုပ်နှောင်မှုတွေဟာ မျိုးဆက်သစ်တွေရဲ့မကျေနပ်မှုတွေကို ဖြေရှင်းနည်းအစစ်မဟုတ်ဘူး။ ကျောင်းသားတွေဟာ နိုင်ငံတော်ရဲ့ ရန်သူမဟုတ်ဘူး။ သူတို့ဟာ သူတို့ရဲ့ ပညာရေးနဲ့ အနာဂါတ်တွေအတွက် တာဝန်ရှိတဲ့အင်စတီကျူးရှင်းဆီကနေ တာဝန်ခံမှုတောင်းဆိုနေတဲ့ ပြည်သူတွေဖြစ်တယ်။ ဒါဟာ အခြေခံအကျဆုံး ဒီမိုကရေစီအခွင့်အရေးတခုပဲဖြစ်တယ်။ ပြည်သူလူထု...

အရာတော်မြို့နယ်အတွင်း ဗကသ က လေကြောင်း အသိပညာပေးဟောပြောပွဲနဲ့ သရုပ်ပြပွဲတွေ ပြုလုပ် ဧပြီလ ၄ရက်၊ ၂၀၂၆ အရာတော်မြို့နယ်အတွင်း ဗကသများအဖွဲ့ချုပ် အဖွဲ့ဝင်သမဂ္ဂအချို့နဲ့ ဒေသတွင်းအင်အားစုတရပ်တို့ ပူးပေါင်းပြီး လေကြောင်း၊ မိုင်းနဲ့ လက်နက်ကြီးအန္တရာယ်ကာကွယ်ရေး အသိပညာ‌ပေးဟောပြောပွဲနဲ့ သရုပ်ပြခြင်းတွေ ပြုလုပ်ခဲ့ကြပါတယ်။ အဆိုပါဖြန့်ဝေမှုကိုတော့ အရာတော်မြို့နယ်ကျောင်းသားများသမဂ္ဂ၊ ပြည်သူ့အခြေပြုကျောင်းသားများသမဂ္ဂတို့က လုပ်ဆောင်ခဲ့ကြတာ ဖြစ်ပါတယ်။ အရာတော်မြို့နယ်အတွင်းက ကျောင်းသားထုနဲ့ ပြည်သူလူထုအား လေကြောင်း၊ မိုင်းနဲ့ လက်နက်ကြီးအန္တရယ်အကြောင်း အသိပညာပေးဗွီဒီယိုများ ပြသခဲ့ပြီး ကာကွယ်ရေးနည်းလမ်းတွေကိုလည်း ဆွေးနွေးတင်ပြ၊သရုပ်ပြခဲ့ကြပါတယ်။ တပါတည်းမှာလည်း ဗုံခိုကျင်းတည်ဆောက်ပုံ၊ လေကြောင်းအန္တရယ်အသိပညာပေး ပန်းဖလက်အစောင်ရေ ၂၀၀ ကို ဖြန့်ဝေခဲ့ပါတယ် ။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #အရာတော်မြို့နယ်ကျောင်းသားများသမဂ္ဂ #ဗကသများအဖွဲ့ချုပ် #ABFSU #AYD

ဗကသများအဖွဲ့ချုပ်က ကျေးရွာ ၈ရွာမှာ အာဏာသိမ်း ၅နှစ်ပြည့်အထိမ်းအမှတ် လက်ကမ်းစာစောင် ဖြန့်ဝေ ဖေဖော်ဝါရီလ ၁ရက်၊ ၂၀၂၆ ဗကသများအဖွဲ့ချုပ်က ကနီ၊ ဘုတလင်နဲ့ ယင်းမာပင်မြို့နယ်တွေက ကျေးရွာ ၈ရွာကို အာဏာသိမ်း ၅နှစ်ပြည့် လက်ကမ်းစာစောင်တွေ ဖြန့်ဝေခဲ့ပါတယ်။ ဗကသများအဖွဲ့ချုပ် အဖွဲ့ဝင်သမဂ္ဂတွေ ဖြစ်ကြတဲ့ ကနီမြို့နယ်ကျောင်းသားများသမဂ္ဂ၊ ဘုတလင်မြို့နယ်ကျောင်းသားများသမဂ္ဂ၊ ယင်းမာပင်မြို့နယ်ကျောင်းသားများသမဂ္ဂနဲ့ ပုလဲမြို့နယ်ကျောင်းသားများသမဂ္ဂတို့ ပူးပေါင်းပြီး ဇန်နဝါရီလ ၃၁ရက်နဲ့ ဖေဖော်ဝါရီလ ၁ရက်တို့မှာ လက်ကမ်းစာစောင်တွေ ဖြန့်ဝေခဲ့ပါတယ်။ “တပ်ပေါင်းစု၍ အတူရပ်၊ စစ်သုံးစစ်ကို အမြစ်ဖြတ်”ခေါင်းစဉ်နဲ့ စစ်အာဏာသိမ်းမှု ၅နှစ်ပြည့်အတွက် စစ်အာဏာရှင် ဆန့်ကျင်တော်လှန်ရေး အင်အားစုများ၏ ထုတ်ပြန်ကြေညာချက်ပါ လက်ကမ်းစာစောင်တွေကို မြို့နယ် ၃ မြို့နယ်ရှိ ကျေးရွာ ၈ရွာက စာသင်ကျောင်းတွေနဲ့  ပြည်သူတွေထံ လိုက်လံဖြန့်ဝေခဲ့တာ ဖြစ်ပါတယ်။ ဗကသများအဖွဲ့ချုပ်က ကျေးရွာ ၈ရွာမှာ အာဏာသိမ်း ၅နှစ်ပြည့်အထိမ်းအမှတ် လက်ကမ်းစာစောင် ဖြန့်ဝေ ဖေဖော်ဝါရီလ ၁ရက်၊ ၂၀၂၆ ဗကသများအဖွဲ့ချုပ်က ကနီ၊ ဘုတလင်နဲ့ ယင်းမာပင်မြို့နယ်တွေက ကျေးရွာ ၈ရွာကို ...

စစ်အာဏာသိမ်း (၅) နှစ်ပြည့် စစ်အာဏာရှင်စနစ်ဆန့်ကျင်တော်လှန်ရေးအင်အားစုများ၏ ထုတ်ပြန်ကြေညာချက် ၂၀၂၆ ခုနှစ်၊ ဖေဖော်ဝါရီလ ၁ ရက် တော်လှန်ရေးအင်အားစုရဲဘော်များနှင့် လူမျိုးပေါင်းစုံပြည်သူလူထုအပေါင်းတို့…. ယနေ့ဆိုလျှင် မင်းအောင်လှိုင် စစ်အုပ်စုမှ ပြည်သူလူထု၏ အချုပ်အခြာအာဏာအား အတင်းအဓမ္မ သိမ်းပိုက်ခဲ့သည်မှာ (၅) နှစ်ပင်ပြည့်ခဲ့ပြီ ဖြစ်သည်။ ၂၀၂၁ ခုနှစ် စစ်အာဏာသိမ်းချိန်မှစ၍လည်း ပြည်သူလူထုအနေဖြင့် စစ်အာဏာရှင်စနစ်အား တခဲနက် အုံကြွဆန့်ကျင်ခဲ့ကြသည်မှာ လက်နက်ကိုင် တော်လှန်ရေး အသွင်ထိပါ ကူးပြောင်း တိုက်ပွဲဝင်လာနိုင်သည်အထိ တော်လှန်ရေးရဲ့ အရှိန်အဟုန်မှာ မီးဟုန်းဟုန်းတောက်ခဲ့ပါပြီ။ တဖက်မှာလည်း စစ်အုပ်စုက လူထုတော်လှန်ရေးကြီးအား ရက်ရက် စက်စက် ဖြိုခွင်းချေမှုန်းခဲ့သလို နည်းလမ်းပေါင်းစုံဖြင့် အရပ်သား ပြည်သူများအား ပစ်မှတ်ထား၍ နေ့စဉ်ရက်ဆက် တိုက်ခိုက်လျက် ရှိပါသည်။ သို့ရာတွင် လူထု၏ ဒေါသမီးတောက်ကိုသာ ကြုံတွေ့နေရသည့် စစ်အုပ်စုသည် နိုင်ငံရေး ထွက်ပေါက်ရရန် အတုအယောင် ရွေးကောက်ပွဲတရပ်အား ကျင်းပ၍ လူထုနှင့် ပြည်တွင်းပြည်ပ အင်အားစုများအား မျက်လှည့်ပြ လှည့်စားရန် ကြံရွယ်နေပါသည်။ ထ...

ကနီမြို့နယ်ကျောင်းသားများသမဂ္ဂက ဦးဆောင်ပြီး ကျပန်းစကားပြောပြိုင်ပွဲ ကျင်းပ ဇန်နဝါရီလ ၁၄ ရက်၊ ၂၀၂၆ ‎ကနီမြို့နယ်ကျောင်းသားများသမဂ္ဂ (ဗကသများအဖွဲ့ချုပ်) က ဦးဆောင်ပြီး ပြည်သူ့အခြေပြုစာသင်ကျောင်းတာဝန်ခံတွေနဲ့ ပူးပေါင်းကာ ဇန်နဝါရီလ ၁၂ ရက်နေ့မှာ ကျပန်းစကားပြောပြိုင်ပွဲ ကျင်းပခဲ့ပါတယ်။ ပြိုင်ပွဲကိုတော့ ကျောင်းသားကျောင်းသူတွေရဲ့ စကားပြောစွမ်းရည်တိုးတက်စေဖို့ ရည်ရွယ်ချက်နဲ့ ကျင်းပခဲ့ပြီး ပြိုင်ပွဲဝင် ၂၆ ယောက် ပါဝင်ယှဥ်ပြိုင်ခဲ့ပါတယ်။  ‎ပြိုင်ပွဲအခမ်းအနားမှာ သမဂ္ဂအလံတော်ကို အလေးပြုတာ၊ ကျောင်းသားသမဂ္ဂရဲဘော်တွေကနေ အမှာစကား ပြောကြားတာ၊ သက်ဆိုင်ရာ ကျောင်းတာဝန်ရှိသူတွေက ၀မ်းမြောက်ကြောင်း စကားပြောကြား၊ အကဲဖြတ်ဒိုင်လူကြီးတွေက ဆုရွေးချယ်တာ၊ ဆုချီးမြှင့်တာ စတဲ့အခမ်းအနားအဆင့်ဆင့်နဲ့ အောင်မြင်စွာ ကျင်းပနိုင်ခဲ့ပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ်

ဗကသများအဖွဲ့ချုပ်မှ တနင်္သာရီမြို့နယ်အတွင်း စစ်ကော်မရှင်၏ အတုအယောင်ရွေးကောက်ပွဲဆန့်ကျင်ရေး စာစောင်များ ဖြန့်ဝေ ဇန်နဝါရီလ ၁ ရက်၊ ၂၀၂၆ တနင်္သာရီမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)ကနေ တနင်္သာရီမြို့နယ်အတွင်းက တော်လှန်ရေးအင်အားစုထိန်းချုပ်နယ်မြေတွေမှာ စစ်ကော်မရှင်ရဲ့ အတုအယောင်ရွေးကောက်ပွဲ ဆန့်ကျင်ရေး စာစောင်တွေကို လူထုထံ လိုက်လံဖြန့်ဝေခဲ့ပါတယ်။ #ABFSU #TTSU #အတုအ‌ယောင်ရွေးကောက်ပွဲဆန့်ကျင်ရေး #တနင်္သာရီမြို့နယ်

အရာတော်မြို့နယ် ကျောင်းသားများသမဂ္ဂအောက်ရှိ ပြည်သူ့အခြေပြုကျောင်းသားသမဂ္ဂတရပ်က ဦးဆောင်ပြီး သုံးရက်တာ အားကစားပြိုင်ပွဲတခု ပြုလုပ် ဒီဇင်ဘာ ၂၆ ရက်၊ ၂၀၂၅ အရာတော်မြို့နယ် ကျောင်းသားများသမဂ္ဂ (ဗကသများအဖွဲ့ချုပ်)အောက်ရှိ ပြည်သူ့အခြေပြုကျောင်းသားသမဂ္ဂတရပ်က ဦးဆောင်ပြီး ကျောင်းတွင်း ဒီဇင်ဘာအားကစားပြိုင်ပွဲ ပြုလုပ်ပေးခဲ့ပါတယ်။ ပြိုင်ပွဲကိုတော့ ဒီဇင်ဘာလ ၂၃ ရက်နေ့ကနေ ၂၅ ရက်နေ့အထိ ကျင်းပခဲ့ပြီး နောက်ဆုံးနေ့မှာ ဆုပေးပွဲအခမ်းအနား ပြုလုပ်ခဲ့ပါတယ်။ တဆက်တည်းမှာပဲ အခမ်းအနားကို တက်ရောက်လာကြတဲ့ ကျောင်းသားထုနဲ့ ပြည်သူလူထုကို ကြက်သားဆန်ပြုတ်နဲ့ ဧည့်ခံကျွေးမွေးခဲ့ကြပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #အားကစားပြိုင်ပွဲ #studentsunion