ယင်းမာပင်-ဆားလင်းကြီး ဒေသတွင် ဗကသများအဖွဲ့ချုပ်မှ ၇၅ နှစ်မြောက် အာဇာနည်နေ့ အထိမ်းမှတ်ပွဲ ပြုလုပ်

၂၀၂၂ ဇူလိုင် ၁၉၊ ဗကသ

ယင်းမာပင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) နှင့် ဆားလင်းကြီးမြို့နယ်ကျောင်းသားများသမဂ္ဂ (ဗကသများအဖွဲ့ချုပ်) တို့မှ (၇၅)နှစ်မြောက် အာဇာနည်နေ့ အထိမ်းအမှတ်ပွဲကို နွေဦးတော်လှန်ရေးတွင် စစ်အာဏာရှင်စနစ်အား တိုက်ပွဲဝင်ရင်း ရဲဝံ့ဂုဏ်‌ပြောင်စွာ ကျဆုံးသွားကြသော အာဇာနည်သူရဲကောင်းများ၏ ဂူဗိမာန်ရှေ့၌ ဇူလိုင်လ ၁၈ ရက်နေ့တွင် ပြုလုပ်ခဲ့သည်။ ခေတ်အဆက်ဆက်က အာဇာနည်သူရဲကောင်းများ၏ ပေးဆပ်ခြင်းများကို နှလုံးသွင်း၍ ဆက်လက်တော်လှန်ရန်နှင့် စစ်အာဏာရှင်စနစ်ဆန့်ကျင်ရေး လှုပ်ရှားမှုပိုင်းဆိုင်ရာများ ဆွေးနွေးတိုင်ပင်ခဲ့ကြသည်။