ယင်းမာပင် ဗကသ နှင့် မဟာမိတ်အဖွဲ့အစည်းများမှ ဒေသခံလူထုပူးပေါင်း၍ စစ်အာဏာရှင်စနစ် တိုက်ဖျက်ရေးလှုပ်ရှားမှု ပြုလုပ်
၂၀၂၂ ဧပြီ ၂၉၊ ဗကသ
ယင်းမာပင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) နှင့် ဗမာနိုင်ငံလုံးဆိုင်ရာလူငယ်ကဗျာဆရာများသမဂ္ဂ (ဗလကသ) တို့မှ ဒေသခံပြည်သူလူထုပူးပေါင်း၍ “လူမျိုးကြီးဝါဒဖယ်ရှားကြ အာဇာနည်ဟာ ကိုးဦးမက” စာသားပါဘန်နာအား ကိုင်စွဲ၍ ဖက်ဆစ်ခြေဥအလံကို မီးရှို့ခြင်း၊ ကျဆုံးသွားသောရဲဘော်များအား တမိနစ်ငြိမ်သက် အလေးပြုခြင်း၊ “တောင်တန်းပြည်မ ညီညွတ်ကြသည်၊ တန်းတူအခွင့်အရေး ရရှိရေး” စသော ကြွေးကြော်သံများဟစ်ကြွေးကာ စစ်အာဏာရှင်စနစ် ဆန့်ကျင်ရေးလှုပ်ရှားမှုတရပ်ကို ဧပြီလ ၂၉ ရက်၌ ယင်းမာပင်မြို့နယ်တွင် ပြုလုပ်ခဲ့ပါသည်။
သတင်းနှင့်ပြန်ကြားရေးဗျူရို
ဗကသများအဖွဲ့ချုပ်
#abfsu
