နေအိမ်ဖြိုဖျက်ခံရသော မိဘပြည်သူများအား ဗကသများအဖွဲ့ချုပ်မှ ထောက်ပံ့ကူညီခဲ့
၂၀၂၂ နို၀င်ဘာ ၃၀၊ ဗကသ
ဗကသရဲဘော်များမှ ယနေ့ နို၀င်ဘာလ ၃၀ ရက်နေ့တွင် မရမ်းကုန်းမြို့နယ် ၃ ရပ်ကွက်ရှိ အိမ်ဖျက်ခံရသော မိဘပြည်သူများအား တအိမ်ထောင်လျှင် မြန်မာငွေကျပ် တသိန်းနှုန်းဖြင့် အိမ်ထောင်စု ၂၂ စုအား အလှူရှင်များကိုယ်စား သွားရောက် ထောက်ပံ့ပေးခဲ့ပါသည်။
မိမိတို့ ဗကသများအဖွဲ့ချုပ်မှ ဖက်ဆစ်တပ်၏ မတရားဖိနှိပ်ခံရသော မိဘပြည်သူများအား ထောက်ပံ့ကူညီရန် ၁၀ ရက်တိတိ ရန်ပုံငွေကောက်ခံခဲ့ရာ မြန်မာငွေကျပ် ၂၂ သိန်း၀န်းကျင် ရရှိခဲ့ပါသည်။
အာဏာသိမ်းဖက်ဆစ်တပ်မှ ၂၀၂၂ ခုနှစ် နို၀င်ဘာလ ၁၆ ရက်နေ့မှစ၍ မရမ်းကုန်းမြို့နယ် ၃ ရပ်ကွက်ရှိ နေအိမ်များအား အင်အားသုံးအကြမ်းဖက်၍ ဖျက်ဆီးခဲ့ခြင်းဖြစ်သည်။
သတင်းနှင့်ပြန်ကြားရေးဗျူရို
ဗကသများအဖွဲ့ချုပ်
#abfsu #ဗကသ #whathappeninginmyanmar
