ကနီမြို့နယ်တွင် ဗကသများအဖွဲ့ချုပ်နှင့် မဟာမိတ်များပူးပေါင်း၍ နွေဦးတော်လှန်ရေးသုံးနှစ်ပြည့် အထိမ်းအမှတ် လူထုဟောပြောပွဲ ပြုလုပ်

-
၂၀၂၄ ဖေဖော်ဝါရီ ၂၊ ဗကသ 

ကနီမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)၊ ယင်းမာပင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်) နှင့် ကနီမြို့နယ်ရှိ ဒေသကာကွယ်ရေးအဖွဲ့အစည်းများ၊ အုပ်ချုပ်ရေးအဖွဲ့အစည်းများ ပူးပေါင်း၍ နွေဦးတော်လှန်ရေးသုံးနှစ်ပြည့် အထိမ်းအမှတ်အဖြစ် ယနေ့ ဖေဖော်ဝါရီလ ၂ ရက်နေ့၌ ကနီမြို့နယ်တွင် “စစ်သုံးစစ်ကိုအမြစ်ဖြတ်ဖို့၊ တပ်ပေါင်းစုကိုတည်ဆောက်စို့” တိုက်ပွဲခေါင်းစဉ်ဖြင့် လူထုဟောပြောပွဲအခမ်းအနားတရပ် ပြုလုပ်ခဲ့ပါသည်။


အဆိုပါအခမ်းအနားတွင် ဒေသခံအုပ်ချုပ်ရေးအဖွဲ့အစည်းများမှ လူထုအား မကြောက်တရားများ ဟောပြောခဲ့ပြီး ဗကသများအဖွဲ့ချုပ်မှ လက်ရှိနိုင်ငံရေးအခြေအနေများ၊ တော်လှန်ရေးအခြေအနေများကို ပြည်သူလူထုအား ရှင်းလင်းတင်ပြခဲ့ပြီး လူထုညီညွတ်ရေးနှင့် တပ်ပေါင်းစုအားဖြင့် စစ်သုံးစစ်ကို အမြစ်ပြတ်တိုက်ဖျက်ကြရန် ဟောပြောခဲ့ပါသည်။ ဟောပြောပွဲတွင် ပြည်သူလူထုလူထုမှ ကနီမြို့နယ်အတွင်းရှိ တော်လှန်ရေးအဖွဲ့အသီးသီးအား အကြံပြုလွှာများနှင့် အားပေးစာများ ရေးသားအကြံပြုခဲ့ကြပြီး အဆိုပါအကြံပြုချက်များအား ဗကသများအဖွဲ့ချုပ်မှ သက်ဆိုင်ရာအဖွဲ့အစည်းများကို ပြန်လည်တင်ပြခဲ့ပါသည်။

သတင်းနှင့်ပြန်ကြားရေးဗျူရို
ဗကသများအဖွဲ့ချုပ်
#ABFSU #ဗကသ #GSC #နီတဲ့သွေးရက်သတ္တပတ် #လှုပ်ရှားမှု #နွေဦးတော်လှန်ရေး #သုံးနှစ်ပြည့် #whathappeninginmyanmar 

Popular Posts

Statement Condemning the Mandatory Conscription Law

-
Image
The Mandatory Conscription Law enacted by the State Administration Council [SAC] or the coup council is thrusting the country into an even deeper pit of hellfire. This Mandatory Conscription Law will bring added misery to the more than 50 million people of Myanmar while currently also facing a general crisis. The crisis deepens with soaring food prices and rampant inflation due to the ongoing military offensive against civilians, economic mismanagement, and stagnant wages. This Mandatory Conscription Law will result in distrust that will lead to social collapse and Burma [Myanmar] will become a failed state. The Mandatory Conscription Law proves that the military dictatorship is currently facing a crisis and this is their desperate attempt to hold onto power. We have an opportunity to build genuine unity for the people's liberation movement to grow, despite
Read more

စစ်အာဏာရှင်စနစ်ကို တွန်းလှန်တိုက်ဖျက်ရင်း မြင့်မြတ်ဂုဏ်ပြောင်စွာ ကျဆုံးသွားခဲ့သော ဗကသရဲဘော် အောင်ခန့်ဇော် (ခ) ကိုဂျပန်ကြီး သို့ ဂုဏ်ပြု‌သဝဏ်လွှာ

-
Image
သဝဏ်လွှာအမှတ် - ၈/ဗကသ/၂၀၂၄ ရက်စွဲ - ၂၀၂၄ ခုနှစ် မတ်လ ၂၂ ရက် ၂၀၁၂ - ၁၅ ဗကသမျိုးဆက်၊ ပုသိမ်ခရိုင်ကျောင်းသားများသမဂ္ဂ (ဗကသများအဖွဲ့ချုပ်) နှင့် ပုသိမ်နည်းပညာတက္ကသိုလ်ကျောင်းသားများသမဂ္ဂ (ဗကသများအဖွဲ့ချုပ်) တို့၏ အဖွဲ့ဝင် (ဟောင်း) ဖြစ်သူ ရဲဘော်အောင်ခန့်ဇော် (ခ) ကိုဂျပန်ကြီးသည် စစ်အာဏာရှင်စနစ်ကို တွန်းလှန်တိုက်ဖျက်ရင်း၊ ပြည်သူ့တာဝန်များကို ထမ်းဆောင်ရင်း ၂၀၂၄ ခုနှစ် မတ်လ ၂၂ ရက်နေ့တွင် ကျဆုံးသွားပါသည်။  စစ်အာဏာရှင်စနစ်အား တွန်းလှန်တိုက်ဖျက်ရင်း အာဇာနည်ပီသစွာဖြင့် အသက်ပေးလှူကာ မြင့်မြတ်ဂုဏ်ပြောင်စွာ ကျဆုံးသွားခဲ့သော ဗကသရဲဘော် အောင်ခန့်ဇော် (ခ) ကိုဂျပန်ကြီးအား ကျွန်ုပ်တို့ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်) မှ အစဉ်အမြဲအောက်မေ့ သတိရနေမည်ဖြစ်သည်။ ရဲဘော်၏ မပြီးပြတ်သေးသော စစ်အာဏာရှင်စနစ် အမြစ်ပြတ်တိုက်ဖျက်ရေး တာဝန်များ၊ အဖိနှိပ်ခံပြည်သူလူထု လွတ်မြောက်ရေး တာဝန်များကို အလုံးစုံကျေပွန်သည့်အထိ ကျွန်ုပ်တို့ ဗကသများအဖွဲ့ချုပ်မှ အဖိနှိပ်ခံပြည်သူလူထုနှင့်အတူ ဆက်လက်၍ တိုက်ပွဲဝင်သွားမည်ဖြစ်ကြောင်းကိုလည်း ကျ‌ဆုံးရဲဘော်များအား တိုင်တည်ကာ ကတိသစ္စာပြုအပ်ပါသည်။ “မြေဝသုန်ရေ . .
Read more