ယင်းမာပင်တွင် ဗကသများအဖွဲ့ချုပ်နှင့် မဟာမိတ်များပူးပေါင်း၍ စစ်အာဏာရှင်စနစ် ဆန့်ကျင်ရေးလှုပ်ရှားမှု ပြုလုပ်
၂၀၂၂ ဇွန်လ ၄၊ ဗကသ
ယင်းမာပင်မြို့နယ်ကျောင်းသားများသမဂ္ဂ (ဗကသများအဖွဲ့ချုပ်)၊ ဗမာနိုင်ငံလုံးဆိုင်ရာလူငယ်ကဗျာဆရာများသမဂ္ဂ (ဗလကသ) နှင့် ဒေသခံလူထုပူးပေါင်း၍ “စစ်ကျွန်ပညာရေးဖျက်သိမ်းပေး ဒီမိုကရေစီပညာရေးဖော်ဆောင်ပေး” စာသားပါ ဘန်နာဖြင့် သပိတ်စစ်ကြောင်းချီတက်ခြင်း၊ ကျဆုံးသွားသောရဲဘော်များအား တမိနစ်ငြိမ်သက်အလေးပြုခြင်း၊ “တောင်တန်းပြည်မ ညီညွတ်ကြသည်”၊ “တန်းတူအခွင့်အရေးရရှိရေး”၊ “ဒီမိုကရေစီပညာရေးပူးပေါင်းပေး” စသော ကြွေးကြော်သံများ ဟစ်ကြွေးကာ စစ်အာဏာရှင်စနစ် ဆန့်ကျင်ရေးလှုပ်ရှားမှုတရပ်ကို ယင်းမာပင်မြို့နယ်တွင် ဇွန်လ ၄ ရက်နေ့ညနေပိုင်း၌ ပြုလုပ်ခဲ့ပါသည်။
သတင်းနှင့်ပြန်ကြားရေးဗျူရို
ဗကသများအဖွဲ့ချုပ်
#ABFSU
