အခြေခံပညာကျောင်းသားများသမဂ္ဂ - အကသ (ဗကသများအဖွဲ့ချုပ်) ၏ ဥက္ကဌ(ဟောင်း)ဖြစ်သူ ကိုညီမင်းသူ ကျဆုံးခြင်း ၁ လပြည့်ခဲ့ပြီ

သတင်းအဆင့် - ဖြန့်ဝေ
ရက်စွဲ - ၂၀၂၂ ခုနှစ် မတ်လ ၂၅ ရက်

                  ဗကသများအဖွဲ့ချုပ် ရန်ကုန်ခရိုင်နယ်မြေတွင်းရှိ မြို့နယ်သမဂ္ဂအသီးသီးမှ ဗကသကျောင်းသားရဲဘော်များ (ယာယီ) တည်းခိုနေထိုင်သည့် မရမ်းကုန်းမြို့နယ် ၃ ရပ်ကွက်ရှိ နေအိမ်များအား ၂၀၂၂ ခုနှစ် ဖေဖော်ဝါရီလ ၂၅  ညနေ ၅ နာရီခန့်တွင်  ဖက်ဆစ်တပ်မှ အင်အားအလုံးအရင်းဖြင့် အကြမ်းဖက်ပစ်ခတ်ကာ ဝင်ရောက်စီးနင်းခဲ့ပါသည်။ ဖက်ဆစ်တပ်၏ အကြမ်းဖက်ပစ်ခတ်ဖမ်းဆီးမှုတွင် ဗကသရဲဘော် ၈ ဦး ဖမ်းဆီးခံခဲ့ရပြီး အခြေခံပညာကျောင်းသားများသမဂ္ဂ - အကသ (ဗကသများအဖွဲ့ချုပ်) ၏ ဥက္ကဌ(ဟောင်း)ဖြစ်သူ ကိုညီမင်းသူသည် အခြားရဲဘော်များအား လွတ်မြောက်ရန် ကူညီပေးနေစဉ် ရင်ညွန့်အား ကျည်ဆန်ထိမှန်ကာ နေရာတွင်ပင်ကျ လဲကျသွားခဲ့ပြီး နဖူးတည့်တည့်အား ထပ်မံပစ်ခတ်၍ မသေမချင်း သတ်ဖြတ်ခံခဲ့ရသည်။ အခြားရဲဘော်များမှာလည်း စစ်ဖိနပ်ဖြင့် ကန်ကျောက်နှိပ်စက်ခံရသောကြောင့် ဒဏ်ရာများရရှိခဲ့သည်။

                  ယင်းဖြစ်စဉ်တွင် အကြမ်းဖက်ပစ်ခတ်ဖမ်းဆီးခံရသော ဗကသရဲဘော်အားလုံးသည် အသက် ၁၈ နှစ်ပင် မပြည့်သေးသော အခြေခံပညာအလယ်တန်း/အထက်တန်းကျောင်းများမှ ကျောင်းသား/သူများဖြစ်သည်။ အကြမ်းဖက်ဖမ်းဆီးခံရစဉ်တွင် အပြန်အလှန်ပစ်ခတ်မှုများ ဖြစ်ပွားခဲ့သည်ဟု ဖက်ဆစ်တပ်၏ ဝါဒဖြန့်မီဒီယာများတွင် ဖော်ပြနေသော်လည်း လက်နက်မဲ့ကျောင်းသားများအား ဖက်ဆစ်တပ်ကသာ တဖက်သတ်အကြမ်းဖက်ကာ ပစ်ခတ်ဖမ်းဆီးခဲ့ခြင်းဖြစ်သည်။ ကျဆုံးသွားသည့်ရဲဘော် ကိုညီမင်းသူ၏ ရုပ်အလောင်းကိုပင် ဖက်ဆစ်တပ်မှ ထုတ်ယူခွင့်မပေးဘဲ အလောင်းကို ဖျောက်ဖျက်ပစ်လိုက်သည်။

                  ဖက်ဆစ်တပ်သည် တိုင်းပြည်အနှံ့ရှိ ကျောင်းသား/ပြည်သူများအား နေ့စဉ်နှင့်အမျှ အကြမ်းဖက်သတ်ဖြတ်နေသည်။ ပြည်သူလူထု၏ သွေးများစွန်းပေနေ‌သည့် ဖက်စစ်တပ်သည် တနေ့တွင် ပြည်သူလူထု၏ တရားစီရင်ခြင်းကို မလွဲဧကန်ခံရမည်ဖြစ်သည်။ ပြည်သူလူထုအနေဖြင့်လည်း စစ်အာဏာရှင်စနစ် အမြစ်ပြတ်တိုက်ဖျက်ရေး၊ ပြည်သူ့ဒီမိုကရေစီအရေးအတွက် ဘုံရန်သူဖြစ်သည့် စစ်အာဏာရှင်စနစ် (စစ်သုံးစစ်) အား ထိရောက်မှန်ကန်သည့် ရရာနည်းလမ်းပေါင်းစုံဖြင့် ပြင်းပြင်းထန်ထန် တိုက်ပွဲဝင်ကြပါရန် ဗကသများအဖွဲ့ချုပ်မှ လေးနက်စွာဖြင့် တိုက်တွန်းနှိုးဆော်လိုက်သည်။

❝ရဲဘော်ညီမင်းသူ စိတ်ဓာတ်ကိုကိုင်စွဲ၊ ရဲရဲဝံ့ဝံ့ ဦးဆောင်တိုက်ပွဲဝင်ကြ❞

ဗဟိုအမှုဆောင်အဖွဲ့
ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်

Popular Posts

Statement Condemning the Mandatory Conscription Law

“စစ်သုံးစစ်ကို တိုက်ဖျက်ဖို့ တပ်ပေါင်းစုကို တည်ဆောက်စို့”

ရန်ကုန်တွင် ဗကသများအဖွဲ့ချုပ်က စစ်အာဏာရှင်စနစ် ဆန့်ကျင်ရေးလှုပ်ရှားမှု ပြုလုပ်