All Burma Federation Of Student Unions (ABFSU)

အရာတော်မြို့နယ် ကျောင်းသားများသမဂ္ဂအောက်ရှိ ပြည်သူ့အခြေပြုကျောင်းသားသမဂ္ဂတရပ်က ဦးဆောင်ပြီး သုံးရက်တာ အားကစားပြိုင်ပွဲတခု ပြုလုပ် ဒီဇင်ဘာ ၂၆ ရက်၊ ၂၀၂၅ အရာတော်မြို့နယ် ကျောင်းသားများသမဂ္ဂ (ဗကသများအဖွဲ့ချုပ်)အောက်ရှိ ပြည်သူ့အခြေပြုကျောင်းသားသမဂ္ဂတရပ်က ဦးဆောင်ပြီး ကျောင်းတွင်း ဒီဇင်ဘာအားကစားပြိုင်ပွဲ ပြုလုပ်ပေးခဲ့ပါတယ်။ ပြိုင်ပွဲကိုတော့ ဒီဇင်ဘာလ ၂၃ ရက်နေ့ကနေ ၂၅ ရက်နေ့အထိ ကျင်းပခဲ့ပြီး နောက်ဆုံးနေ့မှာ ဆုပေးပွဲအခမ်းအနား ပြုလုပ်ခဲ့ပါတယ်။ တဆက်တည်းမှာပဲ အခမ်းအနားကို တက်ရောက်လာကြတဲ့ ကျောင်းသားထုနဲ့ ပြည်သူလူထုကို ကြက်သားဆန်ပြုတ်နဲ့ ဧည့်ခံကျွေးမွေးခဲ့ကြပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #အားကစားပြိုင်ပွဲ #studentsunion

ဖိနှိပ်မှုတွေကို အိုးဝေကတဆင့် ဖော်ထုတ်လိုက်ပါ ____________________________________________ ဗမာပြည်တဝှမ်းက ကျောင်းသား၊ကျောင်းသူ ညီအကို၊ မောင်နှမ အပေါင်းတို့… ဒီနေ့အချိန်ဟာ စစ်အုပ်စုရဲ့ အတုအယောင်ရွေးကောက်ပွဲကျင်းဖို့ နီးကပ်နေတဲ့ ကာလဖြစ်ပါတယ်။ စစ်အုပ်စုဟာဆိုရင် သူရဲ့ မတရားစစ်အာဏာကို တရားဝင်မှုပြုဖို့ရာအတွက် အတုအယောင်ရွေးကောက်ပွဲကို အတင်းကာရော ကျင်းပဖို့ စိုင်းပြင်းပြင်ဆင်နေပါတယ်။ ရွေးကောက်ပွဲအောင်မြင်ရေးအတွက်လည်း မသမာတဲ့ နည်းလမ်းပေါင်းစုံသုံးပြီး ကြိုးပမ်းနေပါတယ်။ ဒီလိုနည်းလမ်းတွေထဲက နည်းလမ်းတခုကတော့ စစ်အုပ်စု ထိန်းချုပ်နယ်မြေတွေမှာ၊ သူတို့လက်လှမ်းမှီရာဒေသတွေမှ ကျောင်းတက်နေတဲ့ ကျောင်းသားတွေကို ရွေးကောက်ပွဲမှာ အတင်းအကြပ်မဲပေးဖို့ ဖိအားပေးတာပဲဖြစ်ပါတယ်။ ဗမာပြည်တလွှားက ကျောင်းသားရဲဘော်တွေအနေနဲ့ စစ်အုပ်စုရဲ့ ရွေးကောက်ပွဲဆိုင်ရာ အတင်းအကြပ်ဖိအားပေးမှုမျိုး၊ အကြပ်ကိုင်မှုမျိုးကို ကိုယ်တိုင်ဖြစ်စေ အသိမိတ်ဆွေတွေထဲကဖြစ်စေ ကြုံတွေ့နေရတာမျိုးရှိတဲ့အခါ အိုးဝေကနေတဆင့် မိမိတို့ရဲ့ အသံကို ထုတ်ဖော်ပြောကြားဖို့ ဖိတ်ခေါ်ချင်ပါတယ်။  အခုလို ကြုံတွေ့နေရတဲ့ မတရားဖိနှိပ်မှုတွေကို သတင်းပေးပို့မယ်ဆ...