ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် ၏ မူဝါဒ ၆ ချက် နှင့် လက်ခံချက် ၃ ရပ်
ဖက်ဆစ်တော်လှန်ရေးနေ့
ဒီကနေ့ဟာ ဂျပန်နယ်ချဲ့ဖက်ဆစ်တပ်တွေကို ဗမာပြည်မြေပေါ်ကနေ စစ်မှန်သော နိုင်ငံရေးခေါင်းဆောင်မှု၊ ဗမာပြည်လူမျိုးပေါင်းစုံရဲ့ သွေးစည်းညီညွတ်မှုတို့နဲ့ တော်လှန်မောင်းထုတ်နိုင်ခဲ့တဲ့ "ဖက်ဆစ်တော်လှန်ရေးနေ့" ပဲဖြစ်ပါတယ်။ ယခု၂၀၂၃ ခုနှစ်၊ မတ်လ ၂၇ ရက်နေ့မှာ ဖက်ဆစ်တော်လှန်ရေးနေ့ဟာ (၇၈) နှစ် တင်းတင်းပြည့်ခဲ့ပါပြီ။ နယ်ချဲ့ဖက်ဆစ်ဂျပန်တွေရဲ့ ဓားအောက်က ဗမာပြည်သူလူထုတရပ်လုံးဟာ အသက်၊ သွေး၊ ချွေးတွေကို ရင်းနှီးစတေးခဲ့လို့ နယ်ချဲ့ဖက်ဆစ်တွေကို ဗမာပြည်မြေပေါ်ကနေ အပြီးတိုင် အမြစ်ဖြတ်ချေမှုန်းနိုင်ခဲ့တဲ့ အောင်ပွဲဟာ အလွန်ပင်ကြီးမားမြင့်မြတ် ဂုဏ်ရောင်ပြောင်ခဲ့ပါတယ်။ ဒီဖက်ဆစ်တော်လှန်ရေးဟာ ကြီးမြတ်ဂုဏ်ပြောင်လို့ အောင်မြင်မှုတွေရရှိခဲ့ပေမယ့် ဒီတော်လှန်ရေးထဲမှာ မွေးဖွားခဲ့တဲ့ တချိန်ကမျိုးချစ်မြန်မာ့တပ်မတော်ကပဲ ပြည်ပြည်တွင်းစစ်မီးကို ဖန်တီးပြီး ဖက်ဆစ်သန္ဓေကို မွေးမြူပေါက်ဖွားလာစေခဲ့တယ်။ စစ်အုပ်စုရဲ့အကျိုးစီးပွားအတွက် ပြည်တွင်းစစ်ကို အသုံးချပြီး ဗမာပြည် တိုင်းရင်းသားပြည်သူ လူမျိုးပေါင်းစုံအပေါ် ရက်ရက်စက်စက် ဖိနှိပ်အုပ်ချုပ်နေတာကို ဒီကနေ့အထိ ခံနေရဆဲပဲဖြစ်ပါတယ်။ ဒါ့အပြင် တောင်တန်း/မြေပြန့်မကျန် ဗမာပ...
